17.12.2025 | 14:50
Նոտարական գործարքներ՝ թվային միջավայրում․ ինչ փոփոխություններ են սպասվում Կադաստրի կոմիտեում․ ՏԵՍԱՆՅՈՒԹ
Պաշտոնապես հայտարարում եմ՝ Հայաստանում կոռուպցիա չկա․ ՀՀ վարչապետ․ ՏԵՍԱՆՅՈՒԹ
Քաղաքականություն
17.08.2018 | 20:29
ՀՀ վարչապետ Նիկոլ Փաշինյանը ևս մեկ անգամ վստահեցնում է՝ Հայաստանում կոռուպցիա չկա։
Այս մասին այսօր Հանրապետության հրապարակում մեկնարկած հանրահավաքի ժամանակ ասաց վարչապետը՝ շեշտելով, որ պաշտոնապես հայտարարում է, որ ՀՀ-ում կոռուպցիա չկա, և պետական բյուջե վճարված յուրաքանչյուր լումա ծախսվելու է արդյունավետ։
«Սա չի նշանակում, որ ՀՀ-ում չկա պաշտոնյա, որը կարող է կաշառք չի վերացնում, բայց ես երաշխավորում եմ, որ պետական բյուջե վճարված ամեն մի լումա ծախսվելու է՝ ըստ նպատակի»,-ասաց վարչապետը։
Վերջինս նշեց, որ առաջիկայում Կառավարությունը շատ կարևոր այլ խնդիր է լուծելու նաև, որը վերաբերում է պետական կառավարման համակարգի արդյունավետության բարձրացմանը։
«Մենք կարծում ենք, որ ՀՀ-ում չպետք է լինի 17 նախարարություն, նախարարությունների թիվը շոշափելիորեն պետք է կրճատվի»,-ասաց վարչապետ Նիկոլ Փաշինյանը։
Վարչապետը խոսեց նաև բիզնես միջավայրի բարելավմանն ուղղված քայլերի մասին և շեշտեց, որ մենաշնորհները վերացված են, և բիզնեսի համար որևէ խոչընդոտ նոր Կառավարությունը չի ստեղծել։
«Մենք ստեղծելու ենք ոչ մենաշնորհային պայմաններ։ Հիմա էլ ձեզ հայտնի ուժերը՝ ՀՀԿ-ականները, լուրեր են տարածում, թե պոտենցիալ ներդրողները չեն գալիս, սպասում են, տեսնեն ի՞նչ է անելու, եկեք միասնաբար ասենք, որ ոչ մի բան էլ չի լինելու, այն ինչ լինելու էր, արդեն եղել է, հեղափոխության հաղթանակն այլևս անշրջելի է»,-ասաց վարչապետը։
Մանրամասները՝ տեսանյութում։
