07.10.2026 | 10:15
Հայաստանի ներկայացուցիչները ադրբեջանցի և միջազգային փորձագետների հետ Լոնդոնում մասնակցել են աշխատաժողովի
Ֆիդանն ու Բայրամովը ՀՀ-Ադրբեջան կարգավորման գործընթացն են քննարկել
Քաղաքականություն
15.03.2024 | 22:14
Ադրբեջանի ԱԳ նախարար Ջեյհուն Բայրամովը թուրք պաշտոնակից Հաքան Ֆիդանի հետ հանդիպմանը Երևանի և Բաքվի միջև խաղաղության գործընթացն է քննարկել։
Ադրբեջանի ԱԳՆ-ի փոխանցմամբ՝ հանդիպման ընթացքում քննարկվել են Ադրբեջանի և Թուրքիայի միջև դաշնակցային հարաբերությունների զարգացման հեռանկարները, ինչպես նաև տարածաշրջանում առկա իրավիճակը։
Բայրամովը ներկայացրել է տարածաշրջանային ներկա իրավիճակի, Ադրբեջանի և Հայաստանի միջև կարգավորման և խաղաղության գործընթացի, առաջիկա մարտահրավերների մասին։ Նշվել է, որ չնայած առկա դժվարություններին և մարտահրավերներին, «Ադրբեջանը հաստատակամ է առաջ մղել խաղաղության գործընթացը»։
«Մենք վստահ ենք, որ հարաբերությունների կարգավորումն իր հերթին կնպաստի տարածաշրջանային խաղաղությանն ու անվտանգությանը»,- ասել է Բայրամովը։
Հիշեցնենք՝ այսօր Բաքվում տեղի է ունեցել Թուրքիայի, Ադրբեջանի և Վրաստանի ԱԳ նախարարների եռակողմ նիստը։
Բացի այդ, Ֆիդանը հանդիպել է Ադրբեջանի նախագահի օգնական Հիքմեթ Հաջիևին։
