07.10.2026 | 11:02
2027 թ․ հունվարի 1-ից սոցփաթեթի ծրագիրն ավարտվում է․ փոփոխություններ և նոր հնարավորություններ. ՈՒՂԻՂ
Թեհրանում քննարկվել է Ադրբեջանի, Իրանի և Ռուսաստանի միջև էներգետիկ կամրջի ստեղծումը
Քաղաքականություն
15.03.2024 | 22:58
Ադրբեջանի էներգետիկայի նախարար Փարվիզ Շահբազովը Թեհրան կատարած այցի ընթացքում իրանցի գործընկեր Ալի Աքբար Մեհրաբիանի հետ քննարկել է ադրբեջանա-իրանական էներգետիկ համագործակցության հարցեր, գրում են ադրբեջանական լրատվամիջոցները։
«Նախարարները մտքեր են փոխանակել «Խուդաֆերին» և «Գիզ Գալասի» Արաքս գետի վրա հիդրոէլեկտրակայանի կառուցման նախագծի իրականացման ընթացքի շուրջ: Հաղորդվում է, որ դրանց բացման արարողությունը մոտ ապագայում տեղի կունենա։ Որոշվել է նաև արագացնել էլեկտրակայանների կառուցման գործընթացը։ Քննարկվել են ջրային ռեսուրսների օգտագործման հետ կապված հարցեր, ինչպես նաև իրանական կողմի հետ համատեղ միջոցառումները՝ Խուդաֆերինի պատմական կամուրջների վերականգնման, պաշտպանության և պահպանման ուղղությամբ»,- ասվում է տեղեկատվության մեջ։
Նշվում է, որ կողմերը քննարկել են նաև Ադրբեջանի, Իրանի և Ռուսաստանի միջև էներգետիկ կամուրջի ստեղծումը:
Բաքվում Իրանի դեսպան Սեիդ Աբբաս Մուսավին էլ իր հերթին հայտնել էր, որ Նովրուզից առաջ երկու երկրների ղեկավարներ Էբրահիմ Ռաիսին ու Իլհամ Ալիևը հանդիպելու են Խուդաֆերինում։ Նրանց ներկայությամբ Իրան-Ադրբեջան սահմանին տեղի կունենա «Խուդաֆերին» և «Գիզ Գալասի» հիդրոէլեկտրակայանների բացման արարողությունը։
