18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
Արարատի մարզում արտահերթ ընտրություններ են սպասվում
Քաղաքականություն
15.08.2018 | 12:59
Արարատի մարզի Հովտաշեն համայնքում հոկտեմբերի 21-ին սպասվում են համայնքի ղեկավարի արտահերթ ընտրություններ: Այս մասին Factor.am-ը տեղեկացավ կառավարության օգոստոսի 16-ի նիստի օրակարգից:
««Հայաստանի Հանրապետության ընտրական օրենսգիրք» սահմանադրական օրենքի 122-րդ, «Տեղական ինքնակառավարման մասին» Հայաստանի Հանրապետության օրենքի 26-րդ հոդվածներին համապատասխան` Հայաստանի Հանրապետության կառավարությունը որոշում է՝ 2018 թվականի հոկտեմբերի 21-ին նշանակել և Հայաստանի Հանրապետության Արարատի մարզի Հովտաշեն համայնքում անցկացնել համայնքի ղեկավարի արտահերթ ընտրություն»,- ասված է որոշման նախագծում:
Նշենք, որ Արարատի մարզի Հովտաշեն համայնքի ղեկավար Արթուր Մկրտչյանը համայնքի ղեկավարի պաշտոնում ընտրվել էր 2016 թվականի սեպտեմբերի 18-ին կայացած համայնքի ղեկավարի ընտրության արդյունքում: Արթուր Մկրտչյանը 2018 թվականի հունիսի 29-ին հրաժարական է ներկայացրել: «Տեղական ինքնակառավարման մասին» ՀՀ օրենքի 26-րդ հոդվածի 3-րդ մասի համաձայն՝ 2018 թվականի հունիսի 29-ին Արարատի մարզի Հովտաշեն համայնքի ավագանին կազմել է արձանագրություն, որը Արարատի մարզպետի միջոցով ներկայացվել է տարածքային կառավարման և զարգացման նախարարություն:
