16.12.2025 | 18:05
«Սա գրաքննություն չէ, այլ պետական պատվեր». Ժաննա Անդրեասյանը՝ «կոմկուսի շունչ» զգացողներին
Ակտիվիստ Արթուր Չախոյանը հրավիրվել է Քննչական կոմիտե
Հասարակություն
23.02.2024 | 15:10
Ակտիվիստ, բլոգեր Արթուր Չախոյանը հրավիրվել է Քննչական կոմիտե՝ հարցաքննության։ Այս մասին Factor.am-ին հայտնեց ինքը՝ Չախոյանը։
Հիշեցնենք, որ օրեր առաջ Արթուր Չախոյանին կացնով սպառնացել էին ֆեյսբուքյան ուղիղ եթերում, երբ նա ցույց էր տվել այն սալիկները (տոմետ) ու եզրաքարերը, որոնք , ըստ նրա, Աբովյան-Սայաթ-Նովա խաչմերուկի նորոգվող մայթից հանվել և տեղափոխվել էին այլ տարածք։
Տեսանյութում երևացող մարդիկ պնդում են, որ դա իրենց մասնավոր տարածքն է, և արգելում են նկարահանում իրականացնել։ Երբ Չախոյանը հակադարձում է, որ պետական գույք է այդտեղ և ինքը կարող է նկարահանել և առաջ շարժվելով ցույց տալիս խնամքով դասավորված տոմետները, տղամարդկանցից մեկը հարվածում է ակտիվիստի սմարթֆոնին, ապա հաջորդում են սեռական բնույթի հայհոյանքներ, նրանցից մեկը քարեր է նետում Չախոյանի ուղղությամբ։ Ավելի ուշ նույն տղամարդը կադրում երևում է կացինը ձեռքին։
Ակտիվիստը ուղիղ եթերում նաև ասում է, որ փորձել են զենքով սպառնալ իրեն և եթե ինքն ուղիղ եթերում չլիներ, ամեն ինչ այդպես չէր ավարտվի։ Կատարվածից հետո ակտիվիստը հաղորդում է ներկայացրել ոստիկանություն՝ իր վրա կացնով հարձակման , նաև պետական գույքի յուրացման մասով:
Արթուր Չախոյանի վրա հարձակված տղամարդու նկատմամբ Քննչական կոմիտեում նախաձեռնվել է քրեական վարույթ։ Մինչ այս, Չախոյանը նաև հրավիրվել էր Մասիսի ոստիկանության բաժին։
Արփի Հակոբյան
