08.08.2026 | 11:56
Ինչպես են գետնին պառկեցնում ու ձերբակալում Հովիկ Աբրահամյանի որդուն. ՔԿ-ն կադրեր է հրապարակել
Ռոբերտ Քոչարյանն ազատ արձակվեց․ Դատարանը որոշեց՝ 2-րդ նախագահն անձեռնմխելի է
13.08.2018 | 16:22
Վերաքննիչ դատարանն այսօր բավարարեց 2-րդ նախագահ Ռոբերտ Քոչարյանի պաշտպանների միջնորդությունը, և Հայաստանի երկրորդ նախագահն ազատ արձակվեց դատարանի դահլիճից։
Վերաքննիչ դատարանը բավարարեց երկամսյա կալանքը վերացնելու միջնորդությունը։
Այս մասին դատական նիստի ավարտից հետո լրագրողների հետ զրույցում ասաց 2-րդ նախագահի պաշտպան Ռ․ Սահակյանը և նշեց, որ Ռոբերտ Քոչարյանն ազատ է արձակվել առանց գրավի, քանի որ նա անձեռնմխելի է։
Հիշեցնենք, որ Ռոբերտ Քոչարյանը 2008 թվականի մարտի 1-2-ի իրադարձությունների գործով մեղադրվում է սահմանադրական կարգը տապալելու մեջ, հուլիսի 27-ին Երևանի ընդհանուր իրավասության դատարանը նրա նկատմամբ խափանման միջոց է ընտրել կալանավորումը: Երկրորդ նախագահն իրեն առաջադրված մեղադրանքները չի ընդունում, դրանք որակելով քաղաքական հետապնդում և վենդետա։
