11.04.2026 | 22:24
Այցելել եմ երեկվա ողբերգական վթարից տուժած փոքրիկներին․ Ավանեսյան
Փաշինյանն ԱԺ կանոնակարգի խախտմամբ ելույթ ունեցավ
Քաղաքականություն
07.02.2024 | 20:35
Այսօր ԱԺ-ում պատգամավորների և կառավարության անդամների հարցուպատասխանի ընթացքում խախտվեց ԱԺ կանոնակարգ սահմանադրական օրենքը։
«Հայաստան» խմբակցության պատգամավոր Գեղամ Նազարյանը 44-օրյա պատերազմում զոհված տղաների ցանկը հրապարակելու վերաբերյալ հարց հնչեցրեց, որին պատասխանեց աշխատանքի և սոցալական հարցերի նախարար Նարեկ Մկրտչյանը։ Նախարարի պատասխանից հետո պատգամավորի և Նիկոլ Փաշինյանի միջև երկխոսություն սկսվեց, վարչապետը նստած տեղից սկսեց պարզաբանել, թե ինչու այդ ցանկը հրապարակված չէ Պաշտպանության նախարարության կայքում։
ԱԺ նախագահ Ալեն Սիմոնյանն առաջարկեց Փաշինյանին խոսել ԱԺ ամբիոնից։
ԱԺ կանոնակարգ սահմանադրական օրենքի 120-րդ հոդվածի 2-րդ կետի համաձայն՝ հարցերից յուրաքանչյուրը պետք է վերաբերի կառավարության մեկ անդամի իրավասությանը վերապահված ոլորտին: Այսինքն՝ յուրաքանչյուր հարցին, ըստ այս կարգավորման, պետք է պատասխանի կառավարության մեկ անդամ, սակայն հարցուպատասխանի ընթացքում սահմանադրական օրենքի սահմանած կարգը խախտվեց։
Նշենք, որ ԱԺ նախագահը հնարավորություն տվեց նաև ընդդիմադիր պատգամավորին իր դիտարկումները ներկայացնել, հետո կրկին Փաշինյանը ելույթ ունեցավ, ապա միացավ Ալեն Սիմոնյանը։ Այսպիսով՝ հարցուպատասխանը վերածվեց քննարկման։
Նարեկ Կիրակոսյան
