19.12.2025 | 02:04
Կոնֆերենցիաների լիգա․ Վահան Բիչախչյանը՝ գոլի հեղինակ․ ՏԵՍԱՆՅՈՒԹ
Պենտագոնը հայտարարել է, որ չի կարող Կիևին փոխանցել նախատեսված 4,2 միլիարդ դոլարի օգնությունը
Քաղաքականություն
05.01.2024 | 16:47
Պենտագոնը զուտ պաշտոնական լիազորություններ ունի՝ 4,2 միլիարդ դոլար ծախսելու Կիևին զենք մատակարարելու համար, սակայն այդ միջոցների հատկացումը հնարավոր չէ՝ առանց ԱՄՆ Կոնգրեսի կողմից ֆինանսավորման հաստատման: «Արմենպրես»-ի փոխանցմամբ՝ այս մասին հայտարարել է գերատեսչության մամուլի քարտուղար Պատրիկ Ռայդերը:
«Մենք լիազորություններ ունենք այդ միջոցները ծախսելու, բայց չունենք համալրման միջոցներ, որպեսզի համալրենք մեր սեփական պաշարները։ Լիազորություն ունենալը դեռ չի նշանակում, որ այդ ֆինանսական միջոցները հասանելի են»,- ասել է Ռայդերը ճեպազրույցի ժամանակ։
Խոսքը սպառազինությունների փոխանցման նախագահական ծրագրի (PDA) մասին է, որի շրջանակներում ԱՄՆ պաշտպանության նախարարությունը լիազորություն ունի ծախսել մոտավորապես 4,2 միլիարդ դոլար:
Ռայդերը հայտնել է, որ քանի դեռ Կոնգրեսը չի հաստատել ԱՄՆ նախագահ Ջո Բայդենի դիմումը, այդ թվում, Ուկրաինային օգնություն հատկացնելու մասին, Վաշինգտոնը չի կարողանա օգնություն ցուցաբերել Կիևին:
Միջոցները, որոնց մասին խոսում է Ռայդերը, հայտնվել են այն բանից հետո, երբ սխալ է հայտնաբերվել Ուկրաինային տրամադրվող օգնության գնահատման մեջ, որը Պենտագոնին հնարավորություն է տվել ևս ավելի քան վեց միլիարդ դոլար ծախսել Կիևին օգնություն տրամադրելու վրա։
Ավելի վաղ ԱՄՆ պետքարտուղարության խոսնակ Մեթյու Միլլերը հայտարարել էր, որ ԱՄՆ-ն կօգնի Ուկրաինային «այնքան, որքան անհրաժեշտ է», բայց արդեն ոչ պարտադիր այնպես, ինչպես նախորդ տարիներին։ Նա նշել է, որ առանց Վաշինգտոնի լրացուցիչ օգնության Կիևի համար շատ դժվար կլինի, և հույս է հայտնել, որ կոնգրեսականները համաձայնության կգան այս հարցում։
