14.12.2025 | 15:42
Կյանքից հեռացել է մանկական վիրաբույժ Ավթանդիլ Հարությունյանը
Շատերը պատմության մեջ փնտրում են իրենց քաղաքական գաղափարների հաստատումը. ապաքաղաքական զրույց Համլետ Պետրոսյանի հետ. ՏԵՍԱՆՅՈՒԹ
Հաղորդաշարեր
17.12.2023 | 21:02
Factor TV-ի A-politic հաղորդաշարի հյուրն է պատմական գիտությունների դոկտոր, պրոֆեսոր Համլետ Պետրոսյանը: Նրա կարծիքով՝ Ադրբեջանի կողմից «հիշողության պատերազմի» ակտիվացումը 1960-ական թվականներին կապված էր խորհրդային այն քաղաքականության հետ, ըստ որի՝ ազգային հանրապետությունում գտնվող մշակութային ժառանգությունը պատկանում է տվյալ հանրապետության տիտղոսային ազգին: Ադրբեջանցի պատմաբաններն օգտվեցին այդ մոտեցումից: Խորհրդային շրջանի հայ պատմաբանների մեծ մասը, պրոֆեսորի կարծիքով, գնաց սխալ ուղղությամբ՝ փորձելով տարանջատել հայկական և աղվանական ժառանգությունը, ապացուցել, որ հայերը կապ չունեն աղվանական մշակույթի հետ:
Գիտնականի համոզմամբ՝ այսօր միջազգայնորեն ընդունված մոտեցումն այն է, որ ցանկացած ազգի մշակութային ժառանգություն պատկանում է ամբողջ մարդկությանը, իսկ տարանջատումները հաճախ կրում են զուտ քաղաքական բնույթ և խրախուսվում ու բորբոքվում են մտավորականների կողմից: Հաղորդման հյուրը միանգամայն բնական է համարում, որ շարքային քաղաքացիները կարող են ունենալ ցանկացած համոզմունք, հավատալ ցանկացած առասպելի: Սակայն գիտնականի առաքելությունն է՝ վեր հանել ճշմարտությունը, փաստերը՝ անկախ նրանից, թե որքան են դրանք ձեռնտու քաղաքական կոնյունկտուրայի տեսանկյունից:
Հնարավո՞ր է, արդյոք, համագործակցությունը հայ և ադրբեջանցի պատմաբանների միջև: Պատասխանելով այդ հարցին՝ Համլետ Պետրոսյանը նշում է, որ այստեղ կա խնդիր. բոլոր հարցերում, այդ թվում՝ մշակութային ժառանգության, քաղաքականությունը որոշում է հարևան երկրի նախագահը, և բոլոր գիտական ինստիտուտներն աշխատում են հստակ քաղաքական հրահանգների պայմաններում:
Մանրամասները՝ տեսանյութում:
Արամ Աբրահամյան
