23.11.2024 | 20:00
Չի ներկայացվել գույքի և ունեցվածքի 509 հայտարարագիր՝ 4 տարում․ ի՞նչ է սպասվում օրինախախտներին. ՔՆՆԱՐԿՈՒՄ
«9 ամիս երեխեքը սոված մնացին, էդքան պայքարից հետո էլի Ղարաբաղը տվեցին»․ արցախցին փոխհատուցում է պահանջում․ ՏԵՍԱՆՅՈՒԹ
Հասարակություն
02.12.2023 | 15:02
Արցախցի Մարիա Համբարձումյանի 7-հոգանոց ընտանիքը սեպտեմբերի 23-ին երկրորդ անգամ է բռնի տեղահանվել․ 2020 թվականին ստիպված են եղել լքել հայրենի Մարտակերտի շրջանի Նոր Հայկաջուր գյուղը, տնավորվել են Ներքին Հոռաթաղում, շրջափակման 9 ամիսներն անցկացրել Մարտակերտ քաղաքում, իսկ Լաչինի միջանցքը բացվելուց հետո տեղահանվել են Հայաստան։
«Սոված, ծարավ 2 օր եկել ենք բեռնատարով»,- ասում է արցախցի կինը։
Ժամանակավորապես հանգրվանել են 2020 թվականի պատերազմից հետո Հայաստան գաղթած հոր տանը՝ Սյունիքի Ծղուկ համայնքում։
25-ամյա Մարիան 5 երեխա ունի, շուտով կծնվի 6-րդ փոքրիկը։ Բազմազավակ ընտանիքի նպաստը 3 ամիս է՝ չի ստացել։ Չի ստացել նաև մայրության նպաստը։ Ասում է՝ պետական պաշտոնյաներն են ասել՝ կա՛մ պետք է Արցախից տեղահանվածի կարգավիճակից հրաժարվի, կա՛մ նպաստից։
«9 ամիս երեխեքը սոված մնացին, էդքան պայքարելուց հետո էլի Ղարաբաղը տվեցին։ 2020 թվականին Հադրութում եղբայրս զոհվեց։ Եթե պիտի տար հողերը, էս սաղ անիմաստ էր»,- ասում է Մարիան՝ Հայաստանի և Արցախի իշխանություններին մեղադրելով Արցախը «ծախելու» համար։
Մանրամասները՝ տեսանյութում։
Գայանե Խաչատրյան
