07.10.2026 | 23:48
Արթուր Դանիելյանը կալանավորվեց
Կառավարությունը դրամաշնորհ է ստանում մի բանի համար, որը պետք է հետո փոխի. ՏԵՍԱՆՅՈՒԹ
Տնտեսություն
19.07.2018 | 20:34
Զարգացման Ֆրանսիական գործակալությունը Հայաստանի պետական եկամուտների կոմիտեին դրամաշնորհ է տալիս: Կառավարությունը հուլիսի 19-ի նիստի ժամանակ ընդունեց նախագիծը: Համաձայնագիրը ստորագրվել է 2018թ. մարտի 30-ին:
Գումարը չի գերազանցում 500 հազար եվրոն և նպատակաուղղված է Միասնական հարկային օրենսգրքի ամբողջական կիրարկման նախապատրաստմանը, ֆիսկալ բարեփոխումներին հետամուտ լինելուն և հարկաբյուջետային վարչարարության ամրապնդման ֆինանսավորմանը:
Կառավարության համապատասխան գերատեսչությունները համաձայնություն են տվել, մանավանդ որ դրանով Հայաստանի վրա ֆինանսական բեռ չի ընկնում: Բայց տպավորություն է, որ 500 հազար եվրո քամուն է տրվելու:
Բանն այն է, որ Հայաստանի նոր կառավարության անդամները բազմից շեշտել են Հարկային օրենսգրքի փոփոխման անհրաժեշտությունը, քանի որ գործող օրենսգիրքը, որն ընդունվեց մեծ աղմուկով, բազմաթիվ դժգոհությունների է արժանացել: ՊԵԿ նախագահ Դավիթ Անանյանը, ում ղեկավարած կառույցին հենց տրվում է դրամաշնորհը, օրերս ասաց, որ անհրաժեշտ է օրենսգրքի հիմնովին փոփոխումը:
Այդ դեպքում հարց է առաջանում՝ ինչո՞ւ վերցնել դրամաշնորհ, աշխատել օրենսգրքի կիրարկումն ապահովող միջոցառումների վրա, եթե այն պետք է փոխել:
Մանրամասն՝ տեսանյութում:
Սևակ Հակոբյան
