Քրեակատարողական ծառայության պետն ազատվել է սեփական դիմումի համաձայն։ Կառավարության նիստից հետո լրագրողների հետ ճեպազրույցում այս մասին նշեց Արդարադատության նախարար Գրիգոր Մինասյանը։
Հարցին, թե արդյոք նա չի՞ ազատվել այն պատճառով, որ Դավիթ Տոնոյանին թույլ է տվել, մինչև ԱԺ քննիչ հանձնաժողով ներկայանալը, տեսակցել մոր հետ, Մինասյանը մանրամասնեց․ «Մենք իրար հետ երևի արդեն մեկ տարի աշխատել ենք։ Այդ դրվագի հետ կապված որևէ մեկնաբանություն չեմ կարող անել։ Կա մեր վերահսկողական վարչության կողմից բացված գործ, որն ուսումնասիրում ենք, հենց այդ դրվագի հետ կապված նրբությունները, բայց դրա հետ կապված չէ»։
Ինչ վերաբերում է իր հրաժարականի մասին լուրերին, Գրիգոր Մինասյանը նշեց. «Սուտ է, և հերյուրանքներ են։ Ես հրաժարական չեմ տալու»։
Մանրամասները՝ տեսանյութում։
