08.12.2025 | 12:12
Միքայել արքեպիսկոպոս Աջապահյանը վիրահատության կարիք ունի. Գառնիկ Դանիելյան
«Հուսահատության գազելների» դուռը փակեցինք, բայց դեռ աշխատանք ունենք անելու․ Ավինյան
Տնտեսություն
30.08.2023 | 17:21
Նախկինում ասում էինք՝ հուսահատության գազելների դուռը փակեցինք, բայց դեռևս ունենք աշխատանք անելու։ Վերջին շրջանում այս աշխատանքի տեմպը եռապատկել, քառապատկել ենք։ Այս մասին այսօր քարոզարշավի ժամանակ նշեց Երևանի փոխքաղաքապետ, «Քաղաքացիական պայմանագրի» կողմից առաջադրված քաղաքապետի թեկնածու Տիգրան Ավինյանը։
«Դեռևս 2019 թվականից մենք առաջարկում էինք միայն բարձր որակի ավտոբուսներ գնել։ Մենք դեռևս ունենք շահագործման մեջ գտնվող 120-130 «Հիգեր» ավտոբուսներ, որոնք մաշված են՝ 15 տարեկան են, դրանք կփոխարինվեն 250 էլեկտրոավտոբուսներով։
Տրանսպորտային ռեֆորմը միայն շարժակազմը փոխելը չէ, այն ենթադրում է նաև միասնական տոմսային համակարգի ներդնում։
Բացի դրանից՝ առանձնացված ավտոբուսային գծեր են փորձարկվում Երևանում, և դրանք ավելանալու են։
Երրորդ՝ արդեն իսկ օնլայն քարտեզներ ենք գործարկել՝ ավտոբուսային երթուղիներով, որտեղ նշված է, թե ինչ պարբերականությամբ են ավտոբուսները գալու։ Տեսնելու ենք՝ քանի րոպեից ավտոբուսը կհասնի կանգառ։
Չորրորդ՝ փոխելու ենք կանգառները, էլեկտրոնային էկրաններ ենք տեղակայելու, որի միջոցով հստակ չվացուցակներ ենք տեսնելու»,- նշեց Ավինյանը։։
Մանրամասները՝ տեսանյութում։
