Արցախցիները Վերածննդի հրապարակում սպասում են Արայիկ Հարությունյանին

28.08.2023 | 22:58

Լուրեր

14.12.2025 | 21:40

Ոստիկանությունը ձերբակալել է Բրաունի համալսարանում կրակ բացելու մեջ կասկածվողին

14.12.2025 | 20:34

Դեկտեմբերի 15-ին Արարատ Միրզոյանն աշխատանքային այցով գտնվելու է Բրյուսելում

14.12.2025 | 20:28

Գլխավոր տոնածառի լույսերը վառվեցին

14.12.2025 | 19:26

Մրգի խանութի սեփականատերը զինաթափել է Սիդնեյի լողափին մարդկանց վրա կրակողներից մեկին

14.12.2025 | 18:20

Թաիլանդն ու Կամբոջան շարունակում են ռազմական գործողությունները

14.12.2025 | 17:25

Իրավիճակը ճանապարհներին՝ 17։15-ի դրությամբ

14.12.2025 | 16:37

Ֆիշինգը թիվ 1 կիբեռսպառնալիքն է այսօր․ Մխիթար Հայարապետյան

14.12.2025 | 16:13

ՀԱԿ նախագահ է վերընտրվել Լևոն Տեր-Պետրոսյանը

14.12.2025 | 15:42

Կյանքից հեռացել է մանկական վիրաբույժ Ավթանդիլ Հարությունյանը

14.12.2025 | 15:17

Ուկրաինան հարվածել է Ուրյուպինսկի նավթաբազային և Յարոսլավլի նավթավերամշակման գործարանին

14.12.2025 | 14:50

10 մարդ է զոհվել Սիդնեյի Բոնդի-Բիչ լողափում Հանուկայի տոնակատարության ժամանակ տեղի ունեցած հրաձգության հետևանքով

14.12.2025 | 14:02

Մառախուղ, քամու ուժգնացում․ օդի ջերմաստիճանը կնվազի

14.12.2025 | 13:41

Անհայտ անձինք կրակ են բացել Ավստրալիայի լողափում

14.12.2025 | 13:28

Բռնցքամարտի Հայաստանի հավաքականը պատմական արդյունքով է վերադարձել հայրենիք

14.12.2025 | 13:11

ՀՀ դրոշ՝ Սուրբ Գևորգ եկեղեցում. Արմավիրի թեմում Փաշինյանի ցանկությունը չեն անտեսել

Բոլորը

Արցախցի 3 երիտասարդների առևանգումից հետո այսօր Ստեփանակերտի Վերածննդի հրապարակում շտապ հավաք է նախաձեռնվել, որը շարունակվում է մինչև հիմա։ Ըստ հավաքվածների՝ ժամը 21:00-ից սպասում են ԱՀ ԱԺ նիստի ավարտին՝ հասկանալու, թե ինչ որոշում են կայացնելու։

Հանրահավաքի մասնակիցներն Արայիկ Հարությունյանից պահանջել են միանձնյա որոշումներ չկայացնել, ընդլայնված նիստ գումարել՝ հրավիրելով նաև հանրապետության նախկին նախագահներին, քաղաքական ուժերի ղեկավարներին և նիստի հեռարձակման ուղիղ եթեր ապահովել: Ըստ ձեռք բերված պայմանավորվածության՝ նախագահը նիստ է հրավիրել Ազգային ժողովում:

Ավելի վաղ հավաքի մասնակիցներին մոտեցել է Արցախի նախագահ Արայիկ Հարությունյանը։ Ուղիղ եթերում հանրահավաքը տեսանկարահանող ցուցարար Արթուր Օսիպյանին ԱՀ նախագահը հորդորում է անջատել հեռարձակումը, ինչից հետո կխոսի գերեվարված տղաների մասին։ Կարճ ժամանակ անց եթերն ավարտվել է։

Հիշեցնենք՝ Մարդու իրավունքների պաշտպանի աշխատակազմի կողմից ձեռք բերված տեղեկատվության համաձայն, ժամը 13:00-ի սահմաներում 2001 թվականի ծնված Ալեն Նելսոնի Սարգսյանը Հակարիի կամրջի անցակետից, ադրբեջանական սահմանապահ և այլ ծառայությունների ներկայացուցիչների կողմից ուժի և հարկադրանքի կիրառմամբ առևանգվել և տարվել է անհայտ ուղղությամբ։

Բացի դրանից, Արցախից ՀՀ տեղափոխվող անձանցից ևս հինգ հոգու Ադրբեջանի սահմանապահ և այլ ծառայությունների ներկայացուցիչները տարել են անցակետի մոտ տեղադրված հատուկ սենյակ՝ հարցաքննելու։ Հարցաքննության ընթացքում տվել են տարաբնույթ հարցեր՝ սպորտով զբաղվածությունը, ՀՀ գնալու նպատակը, Հայաստանում և Արցախում տնտեսական իրավիճակը և այլն։ Ձեռք բերված տեղեկությունների համաձայն՝ նախօրոք համաձայնեցված ցուցակներում առկա անձանցից ևս երկու հոգի՝ Վահե Հովսեփյանը և Լևոն Գրիգորյանը չեն հատել անօրինական անցակետը, սակայն չի հաջողվում նրանց հետ կապ հաստատել։ Երեք քաղաքացիներն էլ Հայաստանի Հանրապետության ուսումնական հաստատությունների ուսանողներ են։

Քիչ առաջ հայտնի դարձավ, որ Բաքվի Դատախազությունը 3 արցախցի երիտասարդների վերաբերյալ որոշում է կայացրել։ Ըստ դատախազության հաղորդագրության՝ երիտասարդների նկատմամբ կկիրառվի վարչական կալանք՝ 10 օր ժամկետով, ապա «նրանց կազատեն ու կվտարեն Ադրբեջանից»։

Լուսանկարը՝ ABC մեդիայի

Ռոզա Վարդանյան