03.10.2026 | 19:01
Կադիրովը Ռուսաստանում ստացել է բարձրագույն զինվորական կոչումը, ոսկեգույն ուսադիրներ և կարմիր բերետ. ТАСС
Փաստաբանների նկատմամբ բռնություն է կիրառվել. Սերժ Սարգսյանի պաշտպանը միջնորդեց հետաձգել նիստը․ ՏԵՍԱՆՅՈՒԹ
Հասարակություն
12.07.2023 | 11:19
Հակակոռուպցիոն դատարանում` նախագահությամբ դատավոր Կարապետ Բադալյանի, մեկնարկեց Հայաստանի երրորդ նախագահ Սերժ Սարգսյանի և վերջինիս հարազատների` ենթադրյալ ապօրինի ծագում ունեցող գույքի բռնագանձման գործի քննությունը:
Հակակոռուպցիոն դատարանը մերժեց ՀՀ երրորդ նախագահ Սերժ Սարգսյանի և նրա հարազատների ենթադրյալ ապօրինի ծագում ունեցող գույքի բռնագանձման գործի վարույթը կասեցնելու վերաբերյալ նրա փաստաբան Վահագն Գրիգորյանի միջնորդությունը:
Ըստ փաստաբանի՝ միջնորդության հիմքն այն է, որ Սահմանադրական դատարանում այժմ քննվում է «Ապօրինի ծագում ունեցող գույքի բռնագանձման մասին օրենքի սահմանադրականության հարցը։
Դատարանը մերժելով միջնորդությունը, նշեց, որ Սահմանադրական դատարանը որոշում չի կայացրել Սահմանադրությանը նշված օրենքի անհամապատասխանության վերաբերյալ, ըստ այդմ միջնորդությունն անհիմն է և ենթակա մերժման:
Նշենք, որ Ազգային ժողովի ընդդիմադիր պատգամավորների ընդհանուր թվի առնվազն մեկ հինգերորդի դիմումի հիման վրա «Ապօրինի ծագում ունեցող գույքի բռնագանձման մասին» օրենքի՝ Սահմանադրությանը համապատասխանության հարցը քննվում է ՍԴ-ում:
Մանրամասները՝ տեսանյութում։
