24.11.2024 | 14:02
Ավտոմեքենայի դուռը փակվել է, 1-ամյա երեխան մնացել է ներսում․ օգնել են փրկարարները
Վազգեն Սարգսյանը Ղարաբաղը տալի՞ս էր, որ սպանվեց, թե՞ դուք էիք Մեղրին տալիս․ Նիկոլ Փաշինյան․ ՏԵՍԱՆՅՈՒԹ
Քաղաքականություն
15.06.2023 | 20:09
Վազգեն Սարգսյանը Ղարաբաղը տալի՞ս էր, դրա համար սպանվե՞ց, թե՞ կարող է՝ դուք էիք Մեղրին տալիս, դրա համար սպանվեց։ Այս մասին այսօր՝ հունիսի 15-ին, Ազգային ժողովում 2022 թվականի պետբյուջեի տարեկան հաշվետվության քննարկմանն ասաց ՀՀ վարչապետ Նիկոլ Փաշինյանը եզրափակիչ ելույթում՝ դիմելով ընդդիմությանը։
«Բա ո՞նց է եղել Հոկտեմբերի 27-ը: Եղել է այն, որ սենց սրճարաններում, այդ թվում՝ դահլիճում ներկա որոշ մարդիկ նաիրիհունանյանների հետ խոսելիս ասել են՝ Վազգենն ա սաղ պրոբլեմը, էս երկրի բոլոր պրոբլեմների մեղավորն ա, այ որ Վազգենը չլինի… Իրենց կադրն էր, գիտեին թույլ կողմերը, որ կետերի վրա սեղմեն:
Մեկը խմբակցություններից մեկի ղեկավարն էր, մյուսը՝ ԱԱԾ տնօրենը, որի աշխատակիցը զեկուցում էր, որ այսպիսի մի մարդ կա, ասում է՝ մտնելու եմ, գնդակահարեմ խորհրդարանում:
Իսկ որտե՞ղ էր Սերժ Սարգսյանը 1999-ի հոկտեմբերի 27-ին․ քաղաքում չէր, հեռու մի տեղ էր։
Այդ ատելությունը նույն ձևով ինչի՞ էիք գեներացնում Վազգեն Սարգսյանի դեմ: Վազգեն Սարգսյանը Ղարաբաղը տալի՞ս էր:
Կամ եթե դուք Ղարաբաղը չէիք տալիս, Մեղրին ինչի՞ պետք է տայիք, որ Ղարաբաղը վերցնեք: Դուք Մեղրին Ղարաբաղի հետ փոխանակման թեման նույնիսկ քննարկելով, ընդունել եք, որ Ղարաբաղը Ադրբեջանինն է»,- հայտարարեց Փաշինյանը:
Մանրամասները՝ տեսանյութում։
