01.11.2024 | 19:22
Գյումրիի ավագանու «Բալասանյան դաշինքը» 13 թափուր մանդատ ունի, 1 թեկնածու մանդատ է վերցրել
Վարձով տրվող բնակարանները եթե մտնեն հարկային դաշտ, պատկերն էականորեն կփոխվի. Սուքիասյան․ ՏԵՍԱՆՅՈՒԹ
Տնտեսություն
14.06.2023 | 16:20
ԱԺ-ում 2022թ-ի բյուջեի տարեկան հաշվետվության զեկույցի ժամանակ «Քաղաքացիական պայմանագիր» խմբակցության պատգամավոր Խաչատուր Սուքիասյանը, դիմելով հիմնական զեկուցող Ֆինանսների նախարար Վահե Հովհաննիսյանին, նշեց․ «Դուք ասացիք, որ 2008թ-ին շինարարությունը ՀՆԱ-ի մեջ բավականին մեծ տոկոս է կազմել, եթե հնարավոր է՝ դա գումարային ասեք ու համեմատեք 2022թ-ի շինարարության ծավալի հետ»։
Ի պատասխան՝ նախարարը նշեց․ «Այս պահին ձեռքիս տակ չունեմ տվյալներ, բայց մենք համեմատություն ենք արել ու տեսել ենք, որ 2022թ-ին տեղի ունեցած աճը ավելի բազմակողմանի է, մենք ունենք աճ շինարարության, ծառայությունների ոլորտում և այլն ու մենք պետք է անենք ամեն ինչ, որ մեր աճը լինի բազմակողմանի»։
Խաչատուր Սուքիասյանը հարց ուղղեց նաև վարձակալության շուկայում գործող հարկային կարգավորումների վերաբերյալ․ «ՀՀ-ում վարձով տրվող բնակարանները որպես ծառայություն են դիտարկվում, եթե կառավարությունը ճիշտ հարկային աշխատանք տանի, մեզ մոտ կփոխվեն բոլոր ցուցանիշները և եկամտահարկը, համախառն ներքին արդյունքը կբարձրանան։ Բնակարան վարձով տվողը ֆիզիկական անձ է, մեր երկրում կան մարդին, ովքեր եկամուտ են ստանում, բայց դա գնահատված չէ ու չգիտենք՝ այդ մարդը ցուցակում գրանցվա՞ծ է որպես նպաստ ստացող կամ եկամուտ չունեցող անձ»։
Վահե Հովհաննիսյանը պատասխանեց, որ եկամուտների համատարած հայտարարագրման ներդրումը մեծապես նպաստելու է նշված խնդրի լուծմանը․ «Բայց նաև մենք պետք է աշխատանք տանենք այս հարցը ավելի լավ լուծելու համար, այստեղ համայնքների հետ աշխատանքի խնդիր էլ կա, պետք է սինխրոնիզացնենք մեր գործողությունները»։
Մանրամասները՝ տեսանյութում։
