12.10.2026 | 16:26
«Լիդիան Արմենիան» երկու բնապահպան իրավապաշտպաններից 6-ական մլն դրամ է պահանջում․ միջազգային կառույցների ահազանգը
Տիգրան Ուրիխանյանի առաջարկությանը Կառավարությունը տվեց բացասական եզրակացություն․ ՏԵՍԱՆՅՈՒԹ
Հասարակություն
04.07.2018 | 11:43
Կառավարության հունիսի 4-ի նիստում քննարկման դրվեց ԱԺ «Ծառուկյան» խմբակցության պատգամավոր Տիգրան Ուրիխանյանի ներկայացրած՝ «Քաղաքացիական դատավարության օրենսգրքում փոփոխություն կատարելու մասին» հարցը։
Ըստ փոփոխության՝ առաջարկվում է, որ քաղաքացին դատական տույժեր և տուգանքներ չվճարի քաղաքացիական դատավարության ընթացքում։
Հարցի զեկուցող Արդարադատության նախարար Արտակ Զեյնալյանը նշեց, որ այս խնդիրն արդեն կարգավորված է, այն լուծված է, ուստի առաջարկեց հարցին տալ բացասական եզրակացություն։
Վարչապետ Նիկոլ Փաշինյանը հետաքրքրվեց՝ եթե խնդիրը լուծված է, ինչո՞ւ է այդ դեպքում նման հարց առաջացել։ «Գուցե պրակտիկայու՞մ է նման խնդիր առաջացել»,- նախարարին հարցրեց վարչապետը։
Ի պատասխան՝ Արտակ Զեյնալյանը նշեց, որ չկա պրակտիկա, որը դառնա պատճառ «Քաղաքացիական դատավարական օրենսգրքում» փոփոխություններ կատարելու համար։
Նիկոլ Փաշինյանն առաջարկեց հարցը կրկին քննարկել նախագծի հեղինակի հետ։ Պատգամավոր Տիգրան Ուրիխանյանի ներկայացրած որոշման նախագծին Կառավարությունը տվեց բացասական եզրակացություն։
Մանրամասները՝ տեսանյութում։
