24.02.2026 | 15:05
Կոկաինի գործով նիստը, որով ԴԱՀԿ նախկին պետ Միհրան Պողոսյանը մեղադրյալ է, հետաձգվեց
Գրություններ ենք ուղարկել, պարզաբանումներ պահանջել․ ՄԻՊ-ը՝ անչափահասին ծեծի ենթարկելու աղմկահարույց դեպքի մասին․ ՏԵՍԱՆՅՈՒԹ
Հասարակություն
02.06.2023 | 18:28
Դիլիջանում 16-ամյա տղային ծեծի ենթարկելու առնչությամբ սկսել ենք գործել անմիջապես. կապ ենք հաստատել խնամակալության և հոգաբարձության մարմնի, այլ համապատասխան պետական մարմինների, ինչպես նաև փաստաբանի հետ։ Այս մասին վստահեցրեց ՄԻՊ Անահիտ Մանասյանը՝ Մարդու իրավունքների պաշտպանության և հանրային հարցերի ու Ֆինանսավարկային և բյուջետային հարցերի մշտական հանձնաժողովների համատեղ նիստում Մարդու իրավունքների պաշտպանի գրասենյակի աշխատակազմի 2022 թվականի պետական բյուջեի կատարման հաշվետվության քննարկման ժամանակ, պատասխանելով պատգամավոր Ռուստամ Բաքոյանի հարցին։
ՄԻՊ-ն ընդգծեց, որ բռնությունն ընդհանարպես պետք է բացառել հանրային հարաբերությունների տիրույթից․ «Հատկապես երեխայի նկատմամբ բռնությունն առաջացնում է բացասական զգացողություններ»։
«Այս տեղեկատվությունն ստանալուց անմիջապես հետո փորձել ենք հնարավոր արձագանքողական քայլեր իրականացնել։ Նախ իրավասու մարմինների հետ ենք կապ հաստատել՝ հասկանլու համար, թե ինչու վարույթ նախաձեռնված չէ, քանի որ դեպքը տեղի է ունեցել ոչ թե երեկ, այլ բավականին ժամանակ առաջ։
Պարզ դարձավ, որ քննիչի որոշումը դատախազն արդեն վերացրել է և այդ մասին պաշտոնական հաղորդագորթյուն է տարածվել։ Գրություն ենք ուղարկել և պարզաբանումներ խնդրել իրավասու մարմիններից՝ ՆԳՆ-ից և Գլխավոր դատախազությունից՝ դետալային հանգամաքններ ներկայացնելու համար»։
Մանրամասները՝ տեսանյութում։
