08.10.2026 | 13:20
«Մենք չպետք է մոռանանք Ռուբեն Վարդանյանին և մյուս հայերին, որոնք դեռ պատանդ են պահվում Բաքվում»․ Եվրախորհրդարանի պատգամավոր
ԱՄՆ-ում հաջողվել է կանխել երկրին սպառնացող դեֆոլտը
Քաղաքականություն
02.06.2023 | 13:20
ԱՄՆ Կոնգրեսը վերջին պահին՝ վերջնաժամկետից մի քանի օր առաջ, այնուամենայնիվ, կարողացավ կանխել երկրին սպառնացող դեֆոլտը, գրում է DW-ի ռուսական ծառայությունը։
Նախօրեին նախ՝ Ներկայացուցիչների պալատը, իսկ հետո՝ Սենատը հավանություն են տվել ազգային պարտքի շեմի մասին օրինագծին։ Դրա ընդունման համար վերին պալատում պահանջվում էր 100-ից 60 սենատորի ձայն։ Կողմ են քվեարկել 63 սենատորներ։ Հիմա օրինագիծն ուղարկելու են նախագահ Ջո Բայդենի ստորագրմանը։
Մինչև 2025 թվականի հունվարի 1-ը սահմանաչափի կասեցումից բացի՝ համաձայնագիրը կսահմանափակի 2024 և 2025 թվականների ծախսերը, կվերադարձնի COVID-ի համաճարակի դեմ պայքարելու համար չօգտագործված միջոցները և կարագացնի որոշ էներգետիկ նախագծերի թույլտվությունների տրամադրման գործընթացը։ Բայդենը պետք է այն ստորագրի մինչև հունիսի 5-ը․ այդ օրը Ֆինանսների նախարարությունը կսպառի ունեցած ռեսուրսները պարտավորությունների կատարման համար ու դեֆոլտ տեղի կունենա։
ԱՄՆ պետական պարտքի ներկա մակարդակը 31,4 տրիլիոն դոլարի չափով ավելացել է հունվարին։ Բայդենն ու դեմոկրատները կոչ են արել Կոնգրեսին բարձրացնել շեմը՝ առանց որևէ պայմանների։ Հանրապետականները, որոնք վերահսկում են Ներկայացուցիչների պալատը, հրաժարվում էին հավանություն տալ դրան առանց բյուջետային ծախսերի կրճատման։ Լարված բանակցությունների արդյունքում փոխզիջում է ձեռք բերվել։
Ջո Բայդենն օրինագծի հաստատումն անվանել է մեծ հաղթանակ երկրի տնտեսության ու ամերիկացի ժողովրդի համար, ինչպես նաև ցուցադրություն այն բանի, որ «Ամերիկան ժողովուրդ է, որը վճարում է հաշիվները և կատարում իր պարտավորությունները»։
Էմմա Չոբանյան
