«Կոմիտասյան բառերը հաճախակի կիրառեք և տարածեք հասակակիցների շրջանում». Ժաննա Անդրեասյանը՝ երեխաներին

Լուրեր

20.11.2026 | 16:06
Մինչև տարեվերջ նախատեսվում է պահեստազորի մինչև 10 սպայի զորակոչել պարտադիր զինվորական ծառայության
20.11.2026 | 15:55
«Կողմ չենք քվեարկելու ալիևյան Սահմանադրությանը». «Հայաստան» խմբակցության պատասխանը՝ Փաշինյանի առաջարկին․ ՏԵՍԱՆՅՈՒԹ
20.11.2026 | 15:44
Հայաստանի Կիոկուշին կարատեի ֆեդերացիան կանցկացնի տարեվերջյան մրցաշարերը
20.11.2026 | 15:34
Առաջարկում եմ՝ ընդդիմությունն ապահովի 6 ձայնը և գնանք հանրաքվեի, եթե ժողովուրդը դեմ քվեարկի` ես հրաժարական եմ տալիս․ Փաշինյան․ ՏԵՍԱՆՅՈՒԹ
20.11.2026 | 15:23
Առաջարկում ենք կուսակցությունների ֆինանսական հոսքերը ԿԿՀ կայքում հրապարակել իրական ժամանակում․ ՏԵՍԱՆՅՈՒԹ
20.11.2026 | 15:10
Սահմանադրության տեքստը կհրապարակվի նոյեմբերի 23-ին // Գերմանիայից ՀՀ քաղաքացիներ են արտաքսվել․ ԼՈՒՐԵՐ
20.11.2026 | 15:05
Մտածում են կատակում ենք, լուրջ չեն ընդունում. Սոնա Ղազարյանը` արտահերթի գնալու առաջարկի մասին․ ՏԵՍԱՆՅՈՒԹ
20.11.2026 | 14:56
Արփինե Սարգսյանը հանդիպել է Իսլանդիայի նախագահին և Ավստրալիայի նախկին վարչապետին․ քննարկվել են կանանց նկատմամբ բռնության կանխարգելման հարցեր
20.11.2026 | 14:44
Էդ խեղճ «ստնտուկները» ի՞նչ են արել, որ ուզում եք պատժել. Տարոն Չախոյանը` Նարեկ Կարապետյանին․ ՏԵՍԱՆՅՈՒԹ
20.11.2026 | 14:41
Դոնալդ Տուսկը Լեհաստանի օդային տարածքի խախտման կապակցությամբ արտակարգ խորհրդակցություն է հրավիրել
20.11.2026 | 14:32
Հրդեհի վտանգի պատճառով փակվել են «Ֆլեշ»-ի և «Կամօյլ»-ի լցակայանները, Մրգաշատում ապամոնտաժվել է գազի պահեստարան
20.11.2026 | 14:26
Գյումրիում և Ամասիայում հայտնաբերվել են ինքնաձիգներ, ատրճանակներ, նռնակներ և մեծ քանակությամբ զինամթերք
20.11.2026 | 14:20
Ալեքսանդր Օվեչկինի ռեկորդն ու հակառեկորդը «Վաշինգտոն Քեփիթալզում». ՏԵՍԱՆՅՈՒԹ
20.11.2026 | 14:14
Աննա Գրիգորյանի ճեպազրույցը՝ ՈւՂԻՂ
20.11.2026 | 14:12
Սպիտակ տունը պաշտոնանկ է արել կիբերանվտանգության ծառայության տնօրենին՝ համակարգերում լայնածավալ խափանումների պատճառով
Բոլորը

ԿԳՄՍ նախարարության ենթակայության կառույցները՝ թանգարանները, գրադարանները, թատրոնները, Երեխաների պաշտպանության միջազգային օրվա խորհրդին համահունչ, կազմակերպել են մանկապատանեկան բազմաբնույթ միջոցառումներ․ տեղեկացնում են ՀՀ ԿԳՄՍՆ-ից։

ԿԳՄՍ նախարար Ժաննա Անդրեասյանը տոնի շրջանակում այցելել է Կոմիտասի թանգարան-ինստիտուտ, որտեղ երեխաների մասնակցությամբ անցկացվել են «Բույս ու սեր» և «Բուսաբարև» կրթամշակութային միջոցառումները:

«Բույս ու սեր» միջոցառման շրջանակում թանգարան-ինստիտուտի փոքրիկ այցելուները նկարել են բնության, բույսերի, ծառերի և ծաղկունքի թեմայով, իսկ «Բուսաբարև» կրթական ծրագրի շնորհիվ երեխաները բացահայտել են Կոմիտասի բանաստեղծական աշխարհը, ապա ստեղծագործել կոմիտասյան բառերով:

Նախարարը կոչ է արել երեխաներին նոր սովորած բառերը հաճախակի կիրառել և տարածել հասակակիցների շրջանում: Ժաննա Անդրեասյանը հետաքրքրվել է՝ ինչ նախասիրություններ ունեն երեխաները, ինչ հագեցվածությամբ են անցկացնելու ամառային արձակուրդը, ինչպես են պատկերացնում երեխաների իրավունքների պաշտպանությունը պետության կողմից:

Ի պատասխան նախարարի հարցերի՝ փոքրիկները վստահեցրել են, որ պաշտպանված են զգում ամուր ընտանիքում և նոր գիտելիքներ ձեռք բերելիս: Նրանք ցուցադրել են նաև իրենց իմացությունը՝ պատմելով, թե ինչ գիտեն Կոմիտասի կենսագրության մասին: Փոքրիկները նաև կատարել են Վարդապետի «Անձրևն եկավ» երգը:

ԿԳՄՍ նախարար Ժաննա Անդրեասյանն ընդգծել է, որ թանգարանային միջոցառումները ոչ միայն ժամանցային են, այլև կրթամշակութային և ուսուցողական: «Կարևոր է, որ երեխաների համար նախատեսված միջոցառումներն անցկացվում են խաղային ձևաչափով՝ առանց լրացուցիչ ծանրաբեռնվածության, և իրենք չեն էլ նկատում, թե ինչպես են սովորում: Սա հանգստի ձև է, որը նաև զարգացնում է երեխաների կարողությունները»,- ասել է նախարարը:

Ժաննա Անդրեասյանի խոսքով՝ ԿԳՄՍ նախարարության ծրագրերի գերակշիռ մասն ուղղված է երեխաների կրթության իրավունքի իրացման համար լավագույն պայմաններ ստեղծելուն: Հիմնական նպատակը, ինչպես նախարարն է նշել, բոլոր բնակավայրերում դրանց հասանելիության և մատչելիության ապահովումն է: «Ամենակարևոր իրավունքը, որը նաև կրթության ռազմավարության առանցքն է, որակյալ և ներառական կրթության հասանելիության ապահովման իրավունքն է: Դրան է ուղղված, օրինակ, Կառավարության «300 դպրոց, 500 մանկապարտեզ» ծրագիրը: Առանցքային է նաև երեխաների մասնակցության իրավունքը կարևոր որոշումներում, ինչն ապահովելու համար կրթական համակարգում տարբեր մոդելներ կան: Օրինակ՝ գործում է ԿԳՄՍ նախարարին կից աշակերտական խորհուրդ, որի կազմում ընդգրկված աշակերտներից արժեքավոր դիտարկումներ ենք լսում և դրանք հաշվի առնում ոլորտային փաստաթղթեր մշակելիս»,- նշել է Ժաննա Անդրեասյանը:

Երեխաների իրավունքների պաշտպանության համատեքստում նախարարն անդրադարձել է նաև դասագրքերի բեռնաթափման հարցին. «Հանրակրթական նոր չափորոշչով դասագրքերի փոփոխությունն ընթացքի մեջ է: Դիտարկվում են դրանց էլեկտրոնային և հիբրիդային տարբերակները՝ նպատակ ունենալով կրճատել ծավալը: Դասագրքի թղթային տարբերակին պետք է լրացնի էլեկտրոնայինը, որը, շնորհիվ թվային գործիքների կիրառման, կնպաստի կրթության որակի բարձրացմանը, և միաժամանակ կթեթևանա պայուսակի բեռը»,-նշել է նախարարը՝ հավելելով, որ նոր նախագծվող և կառուցվող դպրոցներում նախատեսված է դպրոցական գրադարանները վերածել ռեսուրս կենտրոնների:

Կոմիտասի թանգարան-ինստիտուտ այցի շրջանակում ԿԳՄՍ նախարարը ծանոթացել է նաև թանգարանի հիմնական ու ժամանակավոր ցուցադրություններին: Այժմ թանգարան-ինստիտուտում Ե. Չարենցի անվան գրականության և արվեստի թանգարանի հետ համագործակցությամբ ներկայացված է «Դարից երկար. Արշակ Չոպանյան-Կոմիտաս Վարդապետ» ցուցադրությունը՝ անվանի մտավորականների կյանքի 6 դրվագով: