08.11.2026 | 21:21
Առատ ձյան պատճառով Գորայք-Մեղրի ճանապարհը փակ է կցորդիչով բեռնատարների համար
Նեթանյահուն Ադրբեջան կայցելի մայիսին․ հայտնի է քննարկման օրակարգը
Քաղաքականություն
24.04.2025 | 23:14
Իսրայելի վարչապետ Բենիամին Նեթանյահուն մայիսի առաջին կեսին կմեկնի Բաքու՝ հանդիպելու Ադրբեջանի նախագահ Իլհամ Ալիևի հետ։ The Times of Israel-ին հայտնել են երկու աղբյուրներ։
Հաղորդվում է, որ հանդիպման ընթացքում երկրների ղեկավարները քննարկելու են Թուրքիայի և Իսրայելի միջև Սիրիայի հարցով բանակցությունները, որոնք անցկացվել են Ադրբեջանի միջնորդությամբ։ Կողմերը քննարկելու են նաև Ադրբեջանի՝ Աբրահամի համաձայնագրերի շրջանակին պաշտոնապես միանալու ծրագրերը և տարբեր նախաձեռնություններ, ինչպես նաև երկկողմ կապերի, ԱՄՆ-ի հետ եռակողմ կապերի ամրապնդման հարցերը։
Լրատվամիջոցը նշում է, որ այս ամսվա սկզբին Ալիևը հանդիպել է Թուրքիայի նախագահ Ռեջեփ Թայիփ Էրդողանի և Սիրիայի նախագահ Ահմեդ ալ-Շարաայի հետ։
Մարտին էլ ԱՄՆ նախագահի հատուկ ներկայացուցիչ Սթիվ Ուիթքոֆը Բաքու էր մեկնել՝ Ալիևի հետ հանդիպելու։
Հիշեցնենք, որ ավելի վաղ Ադրբեջանում բանակցություններ էին անցկացրել թուրքական ու իսրայելական պատվիրակությունները։
Թարգմանությունը՝ Էմմա Չոբանյանի
