09.08.2026 | 13:13
Դաշտավանում ծեծկռտուք է եղել․ մասնակիցները հարվածել են քարերով, մահակներով և կռփազենքով
Թրամփի հատուկ բանագնացը հեռացել է Մոսկվայից․ նրա օդանավը վայրէջք է կատարել Բաքվում
Քաղաքականություն
14.03.2025 | 11:25
ԱՄՆ նախագահի հատուկ բանագնաց Սթիվ Ուիթկոֆի ինքնաթիռը հեռացել է Մոսկվայից։ Այս մասին են վկայում Flightradar-ի տվյալները, գրում է Իզվեստիան։
Լրատվամիջոցը նաև կադրեր է հրապարակել, թե ինչպես է նրա ավտոշարասյունը մտնում «Վնուկովո» օդանավակայան: Ուիթկոֆն այցելել է Մոսկվայում ամերիկյան դեսպանատուն։ Նշվում է, որ նա այնտեղ եղել է մոտ մեկ ժամ։
Ադրբեջանական լրատվամիջոցները և մի շարք այլ աղբյուրներ էլ հայտնում են, որ Ուիթկոֆի օդանավը Մոսկվայից օդ է բարձրացել տեղական ժամանակով 01:54-ին և երկուսուկես ժամ անց՝ ժամը 04:30-ին վայրէջք կատարել Բաքվի Հեյդար Ալիևի անվան միջազգային օդանավակայանում։
Թրամփի բանագնացը Մոսկվայում պետք է հանդիպում անցկացներ ՌԴ նախագահ Վլադիմիր Պուտինի հետ։
Թարգմանությունը՝ Էմմա Չոբանյանի
