19.12.2025 | 21:41
Հայաստանը Ժնևում քննարկել է փախստականների խնդիրների հասցեագրման իր մոտեցումները
Փաշինյանը բոլոր սկզբունքները մեկնաբանում է Ադրբեջանի շահից ելնելով. Արթուր Խաչատրյան․ ՏԵՍԱՆՅՈՒԹ
Քաղաքականություն
04.05.2023 | 12:19
Բանակցությունների ժամանակ կան սկզբունքներ, տարբեր կողմեր սկսում են տարբեր երևույթներ մեկնաբանել՝ ելնելով իրենց ազգային շահից։ Սակայն Նիկոլ Փաշինյանը բոլոր սկզբունքները մեկնաբանում է Ադրբեջանի շահերից ելնելով,- խորհրդարանական ճեպազրույցի ժամանակ այս կարծիքը հայտնեց «Հայաստան» խմբակցության պատգամավոր Արթուր Խաչատրյանը։
«Այսինքն այսօր Նիկոլ Փաշինյանը Ադրբեջանի նախագահ Ալիևի, Ադրբեջանի քաղաքական էլիտայի հետ նույն բանն է ասում։ Դա է խնդիրը»։
Նշենք, որ ընդդիմադիր պատգամավորն այս ճեպազրույցում նաև մտահոգություն արտահայտեց՝ ընդգծելով․ «Ինչքան այս իշխանությունները բանակցություններում առաջընթացից են խոսում, այնքան մենք ողբերգական հետընթաց ենք ապրում․․․ Այս իշխանությունների առաջարկած փաթեթային լուծումը փաթեթային կապիտուլյացիա է, ամեն ինչից հրաժարում, ամեն ինչ ուրանալ, ձախողումների բոլոր մեղքերը նախկինների վրա բարդել և ստեղծել ինչ-որ պետություն, որի ապագան իրենք էլ չեն պատկերացնում։ Մենք ունենք լուրջ մտահոգություն, որ այս իշխանությունները փաթեթային կապիտուլյացիայի փաստաթուղթ են ստորագրելու»
Մանրամասները՝ տեսանյութում։
