17.05.2026 | 16:12
Խափանում մետրոպոլիտենում․ այն կաշխատի մեկ գծանի երկկողմանի երթևեկությամբ
Դո՛ւք էլ, ձեր Դատախազությո՛ւնն էլ, գնա՛ դեմիցս, զզվացրիք, արա՛․ Վլադիմիր Գասպարյանը՝ լրագրողներին․ ՏԵՍԱՆՅՈՒԹ
Հասարակություն
03.05.2023 | 12:32
Նախկին ոստիկանապետ Վլադիմիր Գասպարյանի գործով դատական նիստից առաջ վերջինիս հետ դատարան եկած անձինք նախ իջան մեքենաներից և խնդրեցին չնկարահանել Գասպարյանին։ Ապա Գասպարյանին մոտեցավ 9 տարի առաջ սպանված Արտյոմ Ադանալյանի մայրը, որը պնդում է՝ որդուն սպանել են ոստիկանության աշխատակիցները։ Կնոջ հետ տևական զրույցից հետո լրագրողները փորձեցին Գասպարյանին այլ հարցեր տալ։
«Թողեք ես բարձրանամ վերև»,- ասաց Գասպարյանը՝ հրաժարվելով որևէ հարցի պատասխանել։
«Ձեզ շատ են մեղադրում տարբեր արարքներում»,- փորձում էր հարց տալ լրագրողը։
«Գլուխները պատով են տալիս»,- ասաց Գասպարյանն, ապա սկսեց վիրավորել լրագրողներին։
«Դավա՛յ, գնացե՛ք ստեղից, Ձեզ էլ մեղադրում են անկապ հարցեր տալու մեջ։ Դո՛ւք էլ, ձեր դատախազությո՛ւնն էլ, գնա՛ ստեղից, զզվցրիք, արա՛»,- ասաց Գասպարյանը, ապա դատական նիստերի դահլիճ մտավ՝ հայհոյանքներ հնչեցնելով։
Մանրամասները՝ տեսանյութում։
Արաքս Մամուլյան
