20.05.2024 | 12:20
Իրանի նախագահն ու ԱԳ նախարարը զոհվել են, ԱԱԾ-ն ստանձնում է Տավուշում սահմանի պահպանությունը․ ԼՈՒՐԵՐ
Թմրանյութերն ակումբներում, համացանցում և դեռահասների շրջանում. ինչպես առնել սպառնալիքի դեմը․ ՏԵՍԱՆՅՈՒԹ
Հասարակություն
28.04.2023 | 18:32
Ապրիլի լույս 23-ի գիշերը ոստիկանությունը բիրտ ներխուժել է երևանյան ակումբներից մեկը, բերման ենթարկել այնտեղից 41 հոգու, իսկ ոստիկանական բաժանմունքում, ակումբի ներկայացուցիչների խոսքով, վիրավորանքի և նվաստացման արժանացրել երիտասարդներին։
Քննչականի փոխանցմամբ՝ ուժայիններն ունեցել են «Մեթամֆետամինի», «Էքստազիի», «LSD»-ի իրացման մասին տվյալներ, սակայն հայտնաբերել են մարիխուանայով 2 կաթուցիչ, այն էլ՝ ակումբի հատակին՝ ոչ բերման ենթարկվածների մոտ։
Ոստիկանական բռնության կամ անհամաչափ ուժի կիրառման թեմային զուգահեռ՝ դեպքը թմրանյութերի տարածման թեման ևս մի անգամ քննարկելու առիթ դարձավ։
Պաշտոնական տվյալներով՝ 2022 թվականին թմրամիջոցների ապօրինի իրացման դեպքերի թիվն աճել է 95 տոկոսով։ Մի փոքր ուշադիր քայլելով Երևանի փողոցներով՝ պատերին կամ գետնին կնկատեք շատերին ոչինչ չասող գրություններ, որոնք թմրավաճառների ալիքների գովազդներ են։
Ի՞նչ անել թմրանյութերի տարածման դեմ, որքանո՞վ են դրան նպաստում համացանցն ու ակումբային մշակույթը։ Թեման Factor TV-ի տաղավարում քննարկել ենք «Կախվածությունների բուժման ազգային կենտրոնի» տնօրեն Սուրեն Նազինյանի, տեղեկատվական տեխնոլոգիաների փորձագետ Սամվել Մարտիրոսյանի և Արուսիկ Մկրտչյանի՝ դիջեյ Վակցինայի հետ։
Քննարկումն ամբողջությամբ՝ տեսանյութում։
Նիկոլայ Թորոսյան
