26.04.2026 | 21:21
Իրավիճակը Մալիում․ մահացել է պաշտպանության նախարարը, երկրում թեժ մարտեր են
«S-400»-ները գնելու դեպքում ԱՄՆ-ը Թուրքիայի նկատմամբ պատժամիջոցներ կկիրառի
Քաղաքականություն
27.06.2018 | 15:53
Եվրոպայի և Եվրասիայի հարցերով ԱՄՆ պետքարտուղարի տեղակալ Վես Միտչելը Թուրքիայի իշխանություններին զգուշացրել է, որ եթե վերջիններս Ռուսաստանից գնեն «S-400» ՀՕՊ համակարգերը, Վաշինգտոնը Անկարայի նկատմամբ կիրառելու է պատժամիջոցներ. փոծխանցում է ermenihaber-ը:
Մասնավորապես հնարավոր է, որ Թուրքիայի նկատմամբ կիրառվի «Պատժամիջոցների միջոցով ԱՄՆ-ի հակառակորդներին հակազդելու մասին» օրենքը (CAATSA):
Նա զգուշացրել է, որ եթե Թուրքիան գնի այդ ՀՕՊ համակարգերը հետագայում դժվար կլինի կարգավորել թուրք-ամերիկյան հարաբերությունները։
Դրանից զատ, ամերիկացի պաշտոնյան նաև խոսել է Թուրքիայում ամերիկացի հոգևորական Էնդրյու Բրյունսոնի, ինչպես նաև Թուրքիայում ԱՄՆ-ի դեսպանատան աշխատակից Մեհմեթ Թոփուզի մասին։ Վերջիններս Թուրքիայում կալանավորված են և մեղադրվում են գյուլենական համայնքի հետ կապ ունենալու մեջ։
Միտչելը կոչ է արել Թուրքիայի իշխանություններին անհապաղ ազատ արձակել ԱՄՆ-ի քաղաքացիներին, հակառակ դեպքում թուրք-ամերիկյան լարվածությունը ավելի կխորանա։
Նա նաև կոչ է Թուրքիայի իշխանություններին վերացնել Թուրքիայում դեռևս պահպանվող արտակարգ դրությունը։
