26.10.2026 | 13:16
Ռուսական զորքերը հարվածել են Զապորոժիեին․ կան վիրավորներ
Ադրբեջանցիները քայլելով գալիս և օկուպացնում են մեր երկիրը․ Աննա Գրիգորյան․ ՏԵՍԱՆՅՈւԹ
Քաղաքականություն
07.04.2023 | 19:14
«Կառավարության երեկվա նիստում Նիկոլ Փաշինյանը նշեց, որ ադրբեջանցիները որոշակի դիրքեր են զբաղեցրել, բայց որևէ կերպ չնշեց, որ նրանք ՀՀ սուվերեն տարածքում են, միայն օրվա վերջում ԱԱԾ-ն հանդես եկավ համապատասխան հաղորդագրությամբ՝ նշելով, որ առնվազն 5 կետով ադրբեջանցիները 100-300մ առաջ են եկել»,- այսօր այս մասին Factor TV-ի հետ զրույցում նշեց «Հայաստան» խմբակցության պատգամավոր Աննա Գրիգորյանը։
«Հետո հայտարարություն եղավ այն մասին, թե էական բարելավում է տեղի ունեցել։ Բայց այս պահի դրությամբ՝ կադաստրի վկայականով մեր քաղաքացիներին պատկանող հողատարածքներում գտնվում են ադրբեջանցիներ և կատարում են ամրաշինական, ինժեներական աշխատանքներ։
Նիկոլ Փաշինյանը նորից զլանում է ասել, որ ադրբեջանական զինուժը գտնվում է ՀՀ սուվերեն տարածքում։
Ադրբեջանցիները հետ չեն քաշվել, և որևէ նման պայմանավորվածություն չկա։
Հերթական անգամ ականատես ենք լինում այն փաստին, որ ադրբեջանցիները քայլելով գալիս և օկուպացնում են մեր երկիրը»,- նշեց ընդդիմադիր պատգամավորը։
Մանրամասները՝ տեսանյութում։
