15.01.2026 | 23:35
Ավարտվել է ՀՀ շախմատի առաջնությունների 3-րդ խաղափուլը․ Զավեն Անդրիասյանը միանձնյա առաջատար է
Զախարովան՝ ադրբեջանական կրակի հետևանքով ռուս զինվորականների վիրավորվելու մասին․ ՏԵՍԱՆՅՈՒԹ
Քաղաքականություն
23.03.2023 | 16:14
ՌԴ ԱԳՆ պաշտոնական ներկայացուցիչ Մարիա Զախարովան իր ամենշաբաթյա ճեպազրույցի ժամանակ պատասխանել է ՀՀ Սյունիքի մարզում ադրբեջանական կրակից ռուս զինծառայողների վիրավորվելու միջադեպին Մոսկվայի հնարավոր արձագանքի վերաբերյալ հարցին։
«Միջադեպի հանգամանքները պարզում է ՊՆ-ն։ Անհրաժեշտ է սպասել հետաքննության արդյունքներին։ Հենց այդ արդյունքները լինեն, կկարողանանք գնահատական տալ»,- հայտարարել է Զախարովան։
Անդրադառնալով հարցին, թե ինչպիսին կլինի Մոսկվայի արձագանքը, ՌԴ ԱԳՆ ներկայացուցիչն ուշադրություն է հրավիրել այն փաստին, որ արձագանքները լինում են ոչ միայն հրապարակային։
«Տարբեր մակարդակներում երկխոսություն կա։ Եվ եթե ինչ-որ բան չի ասվել խոսափողի մոտ, չի նշանակում, որ չի ասվել հեռախոսով, անձամբ, նամակագրության ժամանակ և այլն»,- ընդգծել է ռուս դիվանագետը։
Զախարովայի խոսքով՝ ՌԴ-ն տարբեր գործընկերների հետ շփումներում իր դիրքորոշումը հայտնելու տարբեր ձևեր ունի։
Մանրամասները՝ տեսանյութում։
Տաթև Ֆռանգյան
