24.11.2024 | 21:16
Հայաստանի բասկետբոլի հավաքականը պարտվեց Ավստրիայի թիմին
Կենդանի հուշարձանն ենք, թե ինչքան վատ կարող է լինել բանակցությունը․ Կոնջորյանը՝ ընդդիմությանը․ ՏԵՍԱՆՅՈՒԹ
Քաղաքականություն
21.03.2023 | 18:14
«Աստղերը հուշում են, որ հիմա ընդդիմադիր պատգամավորները պետք է լքեն դահլիճը». ԱԺ նիստի ժամանակ իր ելույթն այսպես սկսեց «Քաղաքացիական պայմանագիր» խմբակցության ղեկավար Հայկ Կոնջորյանը։
«Սա ընդդիմության ինքնության, որպես քաղաքական մարմին ամենաշռնդալից ապացույցն է: Ընդդիմությունը գալիս է այս դահլիճ, շառաչուն մտքեր է արտահայտում, թե տեսեք, մենք հզոր բանակցողներս, մենք հզոր ռազմաքաղաքական ստրատեգներս ու հետո, երբ էկրանի վրա տեսնում են, որ մեր մոտից պատգամավորները գալու են իրենց արձագանքեն, դահլիճը լքում են՝ ճողոպրում են»,- ասաց Կոնջորյանը։
Պատգամավորը հավելեց, որ դահլիճը լքելու, դաշտը լքելու հարցում այսօր ընդդիմությունը իր հավասարը չունի. «Ես մի քանի անգամ ասել եմ, որ եթե դուք լքում եք այս դահլիճը՝ բանավեճի դահլիճը, եթե դուք լքում եք ճշմարտության համար մղվող գաղափարական պայքարի դաշտը, ապա դուք լքում եք նաև բոլոր մյուս դաշտերը»:
Կոնջորյանը նաև նկատեց, որ ընդդիմության հպարտ հեռանալու ընթացքում իր գործընկերներից մեկը նշել է, որ 5-րդ շարասյունն է լքում դահլիճը:
«Ես ուղղակի զարմանում եմ երբ ամեն անգամ գալիս են կուսական զարմանքով խոսում են, որ մենք չգիտենք, թե դուք ինչ եք բանակցում, այն դեպքում երբ վարչապետն այս ամբիոնից, ուղիղ եթերով հրավիրել է նրանց փակ քննարկման, որտեղ պատրաստ էր ներկայացնել այդ թվում նաև բանակցային գործընթացը: Այս մարդիիկ շեֆից հարցրել են, շեֆը արգելել է և չեն եկել այդ քննարկմանը: Հիմա եկել են էստեղ զարմացած մտավարժանքներ են անում: Մի քիչ ժուժկալ եղեք ձեր տարատեսակ մտքերը այստեղ շաղ տալուց»,- նշեց Կոնջորյանը:
Մանրամասները՝ տեսանյութում։
