05.01.2025 | 21:53
Մատուցվեց Սուրբ ծննդյան ճրագալույցի պատարագ․ ԼՈՒՍԱՆԿԱՐՆԵՐ
ԵԿՄ-ի նախագահի լիազորությունները կկասեցվեն. ԵԿՄ-ականների հայտարարությունը. ՏԵՍԱՆՅՈՒԹ
Քաղաքականություն
21.06.2018 | 15:02
ԵԿՄ կենտրոնական գրասենյակում ընդլայնված նիստից հետո ազատամարտիկները որոշում են ընդունել սեղմ ժամանակահատվածում կասեցնել ԵԿՄ նախագահ Մանվել Գրիգորյանի լիազորությունները: Ազատամարտիկները հայտարարեցին, որ շարժվելու են Վազգեն Սարգսյանի գաղափարներով, նորովի ստեղծելու են ԵԿՄ-ի առաջիկա գործունեությունը:
«Այս ընթացքում տարբեր արժանավոր ու անարժան մարդիկ փորձել են երկրապահին սևացնել: ԵԿՄ-ն մեկ-երկու հոգու արած մեղսագործության համար չպետք է պատասխանատվություն կրի: ԵԿՄ-ն կազմավորվել է Արցախյան ազատամարտի առաջին իսկ օրերից, եղել է ՀՀ անկախության ակունքներում, բազում զոհեր են եղել, այս տղաները կորցրել են իրենց ոտքը, ձեռքը, որևիցե մեկը իշխանականներին իրավունք չի տվել սևացնելու ԵԿՄ-ին: Այսօր բազում ԵԿՄ-ականներ օրվա հացի կարոտ են, գտնվում են ծանր սոցիալական պայմաններում, որևիցե մեկը իրավունք չունի իրենց բարոյականությանը կպնելու: Այդ իսկ պատճառով հավաքվել են՝ նորոգելու, վերակազմավորելու և վերաիմաստավորելու ԵԿՄ-ն: Նոր վարչություն կլինի, վարչությունը կընտրի իր ղեկավարությունը, որը Վազգեն Սարգսյանի հիմնած կառույցի հեղինակությունը կվերականգնի»,- ասացին նրանք:
