09.09.2026 | 14:22
ԱԺ առողջապահության հարցերի մշտական հանձնաժողովի նիստը․ ՈՒՂԻՂ
Պահպանվելու է գործող մոդելը․ Գրիգոր Մինասյանը՝ վարչապետի լիազորությունները փոխելու մասին. ՏԵՍԱՆՅՈՒԹ
Քաղաքականություն
02.03.2023 | 13:41
Հայաստանում սահմանադրական բարեփոխումների համար ստեղծված սահմանադրական բարեփոխումների խորհուրդը որոշում է կայացրել այս պահին պահպանել պետության կառավարման մոդելը, իսկ վարչապետի, գործադիր իշխանության և այլ մարմինների լիազորությունների շրջանակի հստակեցման հարցը նախատեսում է քննարկել մարտի վերջին: Այս մասին Կառավարության նիստից հետո լրագրողների հետ ճեպազրույցում նշեց ՀՀ արդարադատության նախարար Գրիգոր Մինասյանը։
Նախարարը նշեց, որ սահմանադրական բարեփոխումների գործընթացն ընթանում է նորմալ տեմպով: Իրականացվում են նաև հանրային քննարկումներ:
«Արդեն հայեցակարգային որոշ դրույթներ ուրվագծվել են, դա «նախագահ»-ի գլխին վերաբերելի դրույթներ են: Պետության կառավարման ձևի պահպանման ու լավարկման որոշում է կայացվել խորհրդի կողմից: Այս փուլում ձևավորում ենք նոր հանձնաժողով: Նախկին հանձնաժողովը համապատասխան ժամկետում իրականացրեց իր լիազորությունները: Մյուս շաբաթ արդեն նոր թեկնածուների ընտրությունն է լինելու»,- նշեց Մինասյանը՝ հավելելով, որ այն հատվածը, որը խորհուրդն արդեն քվեարկել է, պատրաստվում են կարճ ներկայացնել:
Նշենք, որ Սահմանադրական բարեփոխումների խորհուրդը ստեղծվել է վարչապետի որոշմամբ 2022 թվականի հունվարի 27-ին:
Մանրամասները՝ տեսանյութում։
