27.10.2026 | 16:34
«Ամաչում էր վերցներ, ասեց` դիր ջեբդ». Սամվել Կարապետյանը՝ գաղտնի տեսագրության մասին․ ՏԵՍԱՆՅՈՒԹ
ՌԴ-ն ստիպված զիջեց՝ ՀՀ-ի հակազդեցությանը հանդիպելով․ Լավրովը ԵՄ դիտորդների տեղակայումը համարեց սուվերեն իրավունք․ Արփի Թոփչյան․ ՏԵՍԱՆՅՈՒԹ
Քաղաքականություն
28.02.2023 | 19:32
ԵՄ դիտորդներից այսօր Բաքվում դժգոհել են Լավրովը և Բայրամովը։ ՌԴ ԱԳ նախարարն ասել է․ «Տեսնում ենք, որ ԵՄ-ն չարաշահում է իր հարաբերությունները Հայաստանի ու Ադրբեջանի հետ, այդ թվում՝ լեգիմիտության առումով կասկածելի իր առաքելությունն առաջ մղելով Հայաստանի տարածքում։ Այն բազմաթիվ հարցեր է առաջացնում գործառույթի, մանդատի, ժամկետի առումով։ Սակայն սա կողմերի սուվերեն ընտրություն է»։
Ադրբեջանցի պաշտոնյան իր հերթին նշել է, որ, իբր, ԵՄ դիտորդական առաքելության տեղակայումից հետո Հայաստանն ապակառուցողական վարք է դրսևորում։ Ըստ Բայրամովի՝ Հայաստանում ԵՄ երկարաժամկետ առաքելության ստեղծումը, իբր, տեղի է ունեցել գործընթացների ու պայմանավորվածության խախտմամբ, որոնք ձեռք էին բերվել նախորդ տարի հոկտեմբերին։ Ի՞նչն է նրանց մտահոգության իրական առարկան, չէ՞ որ ՀՀ-ի վրա հարձակման շանսն է նվազում Բաքվի ձեռքին։
«Բերդ» ՀԿ անդամ, հանրային գործիչ Արփի Թոփչյանը Factor TV-ին տված հարցազրույցում ասում է, որ եթե ՀՀ-ն պատրաստ է լինում կամք ցուցաբերել, կամ երբ ՌԴ-ն համարժեք հակազդեցության է հանդիպում, նրանք ստիպված են զիջել։
«Թե՛ մարդկային հարաբերություններում, թե՛ նաև պետությունների մակարդակում ամեն ինչ հիմնված է կամքի վրա։ Կարևորն այն է՝ դու որքանով ես պատրաստ բարձրաձայնել քո իրավունքները, քո շահերը պաշտպանել, և որքանո՞վ ես պատրաստ դիմանալ այդ հակազդեցությանը։ Պետք է իմանաս, որ ինքնուրույն քայլը բերելու է հակազդեցություն, և դու պետք է պատրաստ լինես այդ հակազդեցությանը, պետք է պատրաստ լինես ոտքերի վրա ամուր կանգնած մնալ, որպեսզի եկող ալիքին դիմանաս»,- ասաց Արփի Թոփչյանը։
Հարցազրույցն ամբողջությամբ՝ տեսանյութում։
Ռոբերտ Անանյան
