16.12.2025 | 14:07
Քննարկում չկա. Ռուբինյանը` նոր երկաթգիծը ՌԴ-ի կողմից շահագործելու մասին․ ՏԵՍԱՆՅՈՒԹ
ՌԴ-ն կարևոր է համարում Բաքվի և Երևանի միջև «միջնորդական ջանքերի կրկնօրինակումից խուսափելը»
Քաղաքականություն
23.02.2023 | 13:05
Ռուսաստանը ողջունում է ցանկացած նախաձեռնություն, որը կարող է աջակցել Բաքվի և Երևանի միջև հարաբերությունների կարգավորմանն ուղղված ջանքերին, գլխավորը՝ խուսափել շարունակվող միջնորդական ջանքերի կրկնօրինակումից և մրցակցությունից։ Այս մասին ՏԱՍՍ-ին տված հարցազրույցում ասել է ՌԴ փոխարտգործնախարար Միխայիլ Գալուզինը։
«Մենք ողջունում ենք ցանկացած նախաձեռնություն, որը կարող է աջակցել Ադրբեջանի և Հայաստանի միջև հարաբերությունների կարգավորմանն ուղղված ջանքերին: Բաքվի ու Երևանի միջև հաշտեցումը հիմնված է Ռուսաստանի, Ադրբեջանի և Հայաստանի ղեկավարների միջև եռակողմ համաձայնագրերի վրա: Նկատի ունեմ տրանսպորտային և տնտեսական կապերի ապաշրջափակման միջոցառումները, սահմանազատումը, ակտիվիստների և փորձագետների շփումների միջոցով վստահության ամրապնդումը, խաղաղության պայմանագրի պատրաստումը։ Գլխավորը՝ խուսափել շարունակվող միջնորդական ջանքերի կրկնօրինակումից և մրցակցությունից»,- ասել է նա՝ պատասխանելով հարցին, թե ինչպե՞ս է Ռուսաստանը վերաբերվում Երևանի և Բաքվի միջև Եգիպտոսի միջնորդական նախաձեռնությանը։
«Հենց այսպես ենք ընկալում Եգիպտոսի նման մեծ և ազդեցիկ երկրի նախաձեռնությունը՝ աջակցելու Բաքվի և Երևանի միջև խաղաղության գործընթացին»,- հավելել է Գալուզինը։
Ավելի վաղ Եգիպտոսի նախագահ Աբդել Ֆաթահ ալ-Սիսին հայտարարել էր, որ Եգիպտոսը պատրաստ է միջնորդ դառնալ Հայաստանի և Ադրբեջանի միջև՝ այդ երկրների միջև հարաբերությունները կարգավորելու համար։
Տաթև Ֆռանգյան
