01.06.2026 | 21:26
Թրամփն Էրդողանին ասել է, որ պատրաստվում է մասնակցել Անկարայում կայանալիք ՆԱՏՕ-ի գագաթնաժողովին. MEE
Թուրքիայի հայկական Վաքըֆ գյուղը տուժել է երկրաշարժից․ 48,5 կգ ոսկու մաքսանենգություն է կանխվել․ Լուրեր
Քաղաքականություն
21.02.2023 | 16:08
- Թուրքիայում հայաբնակ մնացած միակ՝ Վաքըֆ գյուղը, որը փետրվարի 6-ի ավերիչ երկրաշարժից հիմնականում չէր տուժել, նախօրեին տեղի ունեցած երկրաշարժերից վնասներ է կրել։ Ստամբուլի հայկական «Մարմարա» օրաթերթը գրել է, որ նախորդ երկրաշարժից տուժած որոշ շենքեր այս երկրաշարժի ժամանակ քանդվել են։ Զոհեր չկան, բայց կան վիրավորներ։ Պոլսո Հայոց պատրիարքարանից հայտնել են, որ վնասվել են գյուղի հայկական Սուրբ Աստվածածին եկեղեցու զանգակատունը և պատերը։ Վնասներ է կրել նաև նախկին հյուրանոցի պատը։
- ՆԳՆ-ից հայտնում են, որ 2022 թվականի դեկտեմբերից 2023 թվականի հունվարն ընկած ժամանակահատվածում ոստիկանության 4 կապիտաններ ճանապարհային երթևեկության խախտումներ թույլ տված վարորդների նկատմամբ արձանագրություն չկազմելու դիմաց պահանջել և ստացել են տարբեր չափերի կաշառք-գումարներ: Չորս սպաները ձերբակալվել են։
- ՊԵԿ-ի Զվարթնոց բաժնի աշխատակիցները պետական սահմանին իրականացված հսկողական աշխատանքների արդյունքում կանխել են ֆիզիկական անձանց կողմից ռազմավարական տեսակետից կարևոր հումքային ապրանք հանդիսացող ոսկյա ձուլակտորների սահմանված կարգի խախտմամբ ՌԴ-ից ՀՀ տեղափոխման 3 դեպք: Ձուլակտորների ընդհանուր քաշը 48,5 կգ է, արժեքը՝ 1 միլիարդ ՀՀ դրամ: Նախաձեռնվել են քրեական վարույթներ։
Այս ժամի լուրերը՝ տեսանյութում։
