01.11.2024 | 23:19
Հրդեհ Գյումրու տներից մեկում
Անիի կամուրջը կնորոգվի՝ Թուրքիայի սահմանի բացման համար․ Բալասանյանը քրգործով է անցնում ԼՂ-ում․ Լուրեր
Քաղաքականություն
15.02.2023 | 16:00
- Կա համաձայնություն՝ հայ-թուրքական համատեղ ջանքերով վերանորոգել Անիի կամուրջը, ինչպես նաև հոգ տանել համապատասխան ենթակառուցվածքների մասին՝ սահմանի ամբողջական բացմանն ընդառաջ։ Այս մասին Անկարայում Թուրքիայի ԱԳ նախարար Մևլյութ Չավուշօղլուի հետ հանդիպումից հետո հայտարարել է Հայաստանի ԱԳ նախարար Արարատ Միրզոյանը։ Նա նաև նշել է Թուրքիայի հետ հարաբերությունների ամբողջական կարգավորման, դիվանագիտական հարաբերությունների հաստատման ու Հայաստանի և Թուրքիայի միջև սահմանի ամբողջական բացման հարցում ՀՀ-ի իշխանությունների պատրաստակամության և ձգտման մասին։
- Թուրքիայի ԱԳ նախարար Մևլյութ Չավուշօղլուն իր հերթին հայտարարել է, որ հայկական կողմը բարեկամության ձեռք է մեկնել դժվարին ժամանակ, և շնորհակալություն է հայտնել հայ փրկարարների աշխատանքի և ուղարկված մարդասիրական օգնության համար։ Նա նաև նշել է, որ հումանիտար ոլորտում համագործությունը կաջակցի հարաբերությունների կարգավորմանը՝ միաժամանակ դա կապելով հայ-ադրբեջանական հարաբերությունների կարգավոման հետ։
- Արցախի Անվտանգության խորհրդի նախկին քարտուղար Վիտալի Բալասանյանի առնչությամբ քրեական գործ է հարուցվել, «Ազատությանը» հայտնել են Արցախի դատախազությունից, առանց չհստակեցնելու՝ արդյոք մեղադրանք առաջադրվել է Բալասանյանին։ Նշվում է, որ քրեական գործեր են հարուցվել նաև այլ պաշտոնյաների առնչությամբ:
Այս ժամի լուրերը՝ տեսանյութում։
