29.04.2024 | 14:05
Տաջիկստանի ԱԳՆ-ն ահազանգում է՝ Մոսկվայի օդանավակայաններում հազարից ավելի տաջիկստանցիներ են պահվում
Իրանը չի ողջունում Թուրքիայի ռազմական գործողությունները Քանդիլում
Քաղաքականություն
15.06.2018 | 14:54
Իրանի Իսլամական Հանրապետության զինուժի գլխավոր շտաբի պետի խոսնակ, գեներալ Էբուլֆազի Շիքարչին հայտարարել է, որ իրենք չեն աջակցում Հյուսիսային Իրաքում քուրդ զինյալների դեմ սկսված Թուրքիայի ռազմական գործողություններին. տեղեկացնում է ermenihaber-ը:
Թեմայի շուրջ խոսնակի գրավոր հայտարարության մեջ ասվում է, որ չնայած Իրանն աջակցում է ահաբեկչության դեմ պայքարին, այնուամենայնիվ, չի ողջունում մի պետության կողմից մեկ այլ ինքնիշխան պետության տարածք մտնելը, եթե չկա համապատասխան թույլտվություն։ Եթե առանց համապատասխան թույլտվության նման բան է տեղի ունենում, ապա Իրանը դա դիտում է որպես «անօրինական գործողություն»։
«Մենք երբեք չենք աջակցելու այն հակաահաբեկչական գործողություններին, որոնց ընթացքում խախտվում է ուրիշ երկրի ինքնիշխանությունը»,- եզրափակել է իրանցի պաշտոնյան։
Հիշեցնենք, որ հունիսի 11-ին Թուրքիան Հյուսիսային Իրաքի Քանդիլ շրջան էր ուղարկել ցամաքային ուժեր, որոնք գործողություններ են իրականացնում «Քուրդիստանի բանվորական կուսակցության» (ՔԲԿ-PKK) գրոհայինների դեմ: Պաշտոնական Անկարան նրանց համարում է ահաբեկիչներ։
