25.03.2026 | 13:05
«Խորհրդանշական է, որ «Հայաստան» դաշինքը կողմ քվեարկեց խոշոր կատվազգիների պաշտպանության կոնվենցիային»․ Արման Եղոյան․ ՏԵՍԱՆՅՈՒԹ
Ադրբեջանի նոր ռազմական սադրանքների ռիսկը 99% է․ լայնածավալ բախումների վտանգը ռեգիոնում մեծ է․ Գուրգեն Սիմոնյան․ ՏԵՍԱՆՅՈՒԹ
Քաղաքականություն
17.01.2023 | 20:17
Factor TV-ի հարցազրույցը քաղաքագետ Գուրգեն Սիմոնյանի հետ
-Ադրբեջանի ԶՈՒ ԳՇ պետն այցելել է Հայաստանի հետ սահմանին տեղակայված զորամասեր, ստուգել պատրաստվածությունը և հանձնարարել բարձր լեռնային տեղանքում ուսուցում անցնող զինծառայողներին գործնական պարապմունքների ժամանակ կենտրոնանալ մարտական մեթոդների և մարտավարության վրա։ Երեք օր առաջ էլ ՊՆ ղեկավարն էր խորհրդակցություն անցկացնում։ Հասանովը կարգադրել է բանակին՝ բարձր պահել մարտական պատրաստվածությունը և կանխել ցանկացած սադրանք։ Ընդհանրապես՝ որքա՞ն եք գնահատում ռիսկը, որ Ադրբեջանն աշխարհաքաղաքական այս զարգացումների ֆոնին կրկին գնա սադրանքների։
-99 տոկոս՝ 100 տոկոսից, որովհետև աշխարհը շատ արագ է փոփոխվում, մենք չենք կարող ասել՝ ինչպիսի տարածաշրջանային լայնածավալ խմորումների թատերաբեմ կդառնա տարածաշրջանը։ Նույն Իրանի միջուկային ծրագրի հետ կապված ցանկացած բան կարող է տեղի ունենալ։ Մենք չգիտենք՝ ՌԴ-ն ինչպիսի որոշումներ կկայացնի և կգնա դրանց իրագործմանը և այլն։ Այդ թվում՝ մեր տարածաշրջանն ամբողջ աշխարհաքաղաքական թնջուկից չի կարելի առանձնացնել։ Ես քանիցս ասել եմ, որ ՀՀ-ն անընդհատ ինքն իրեն դիրքավորելով այդ «կեղծ» տարածաշրջանի հետ՝ Հարավային Կովկաս կոչեցյալ, որը վարչատարածքային միավորի անվանում է, ենթագիտակցորեն իրեն թվում է, թե պատ է կառուցված Մերձավոր Արևելքից, և որևէ բան չի առնչվելու։ Եվ համեմատականները, չգիտես ինչու, վերցնում ենք Հայաստան, Վրաստան, Ադրբեջան համեմատականներում, մինչդեռ մոռանում ենք, որ տարածաշրջանում ևս երեք խաղացողներ կան՝ Թուրքիան, Իրանը և Ռուսաստանը։
-Կայսրություններ, ոչ ժողովրդավարական պետություններ․․․
-Կայսրության ավանդույթներ պահպանած պետություններ, որոնք այսօր տարածաշրջանային տերությունների կարգավիճակ ունեն։
-Եվրոպացի դիտորդների առաքելությունը, մեծ հավանականություն կա, որ կշարունակվի՝ արդեն երկու տարով, չնայած Ադրբեջանը դիմադրում է։ Ամեն դեպքում, սպասենք զարգացումներին։ Ինչո՞վ բացատրել Ադրբեջանի դժգոհությունները եվրոպացիների գալուց։
-Միանգամայն բացատրելի է Ադրբեջանի պահվածքը, որովհետև Ալիևը, որպես շատ կոմպետենտ խորհրդատվություն ունեցող անձնավորություն և մրցունակ կրթություն ստացած մարդ, շատ լավ գիտի, որ պատերազմները միֆուրկացիոն կետ են՝ իրենցից երկվություն ենթադրող, պատերազմների վերջնարդյունքում լինում է, որ պետությունը կորցնում է ամեն ինչ և տապալվում է, ընդհուպ ինքնիշխանությունը կարող է կորցնել, իսկ հաղթանակի պարագայում դա թռիչք է՝ զարգացման շատ ավելի բարձր մակարդակի վրա։ Ադրբեջանը 2020 թվականին իր կողմից սանձազերծած պատերազմի վերջնարդյունքում չկարողացավ այդ թռիչքն ապահովել մի շարք օբյեկտիվ և սուբյեկտիվ պատճառներից ելնելով։ Այժմ Ալիևը փորձում է նոր իրողություններում վերախաղարկել, և այդ թվացյալ «հաղթանակը» կապիտալացնել։
Հարցազրույցն ամբողջությամբ՝ տեսանյութում։
Ռոբերտ Անանյան
