29.10.2026 | 21:30
Նորմալ է, համարժեք արձագանք է եղել․ Ռուստամ Բաքոյան. ՏԵՍԱՆՅՈՒԹ
Ադրբեջանի ԳՇ պետը ՊՆ ղեկավար կազմի հետ այցելել է Հայաստանի հետ սահմանին գտնվող զորամասեր
Քաղաքականություն
17.01.2023 | 14:45
Ադրբեջանի ԶՈՒ Գլխավոր շտաբի պետ Քերիմ Վելիևը, ցամաքային զորքերի հրամանատար գեներալ-լեյտենանտ Էնվեր Էֆենդիևն ու ՊՆ այլ պաշտոնյաներ այցելել են N զորամաս, գրում են ադրբեջանական լրատվականները։
Ըստ Ադրբեջանի ՊՆ-ի՝ ամենաշատ նորակոչիկներ ունեցող զորամասում փորձարկվել է համալրման գործընթացը, նորակոչիկների մասնակցությունը նախնական ուսումնական դասընթացներին և համալիր աջակցությունը։ ՊՆ ղեկավար կազմն այցելել է նաև զորամասեր, որոնք գտնվում են Հայաստանի հետ սահմանին, հետևել անձնակազմերի ինտենսիվ լեռնային պատրաստությանը։
Վելիևը, հանդիպելով բարձր լեռնային, դժվարին տեղանքում ուսուցում անցնող կոմանդոսների հետ, նրանց հանձնարարել է գործնական պարապմունքների ժամանակ կենտրոնանալ մարտական մեթոդների և մարտավարության վրա։
Նշվում է, որ ցերեկային և գիշերային ժամերին անցկացվող պարապմունքներում յուրացվում են լեռնային տեղանքում մարտավարական և կրակային պատրաստության, լեռնային արահետներ, լեռնանցքներ և գագաթներ հաղթահարելու, այլ ստորաբաժանումների հետ փոխազդեցության հարցերը։ Զորքերի՝ լեռնային պատրաստվածության առաջադրանքներ կատարելիս հատուկ ուշադրություն է դարձվում լեռնային շրջաններում բնական խոչընդոտները հաղթահարելու անձնակազմի հմտությունների կատարելագործմանը, ստանդարտ զենքերի, այդ թվում՝ անօդաչու թռչող սարքերի արդյունավետ օգտագործմանը, ինչպես նաև մարտի վարմանը ցանկացած եղանային պայմաններում։
Էմմա Չոբանյան
