27.04.2026 | 13:41
Մայր Աթոռում տեղի ունեցած խուլիգանության դեպքով դատարանը պարտավորեցրել է քրեական վարույթ նախաձեռնել
Հարկատուներիս հաշվին Հ1-ին տրվող գումարներից պետք է հատկացնել Ա1+-ին․ Արամ Սարգսյան․ ՏԵՍԱՆՅՈՒԹ
Քաղաքականություն
13.06.2018 | 11:34
Ազգային ժողովի «Ելք» խմբակցության պատգամավոր Արամ Սարգսյանն, այսօր ԱԺ-ում «Հեռուստատեսության և ռադիոյի ազգային հանձնաժողովի մասին» օրենքի նախագծի քննարկման ժամանակ, անդրադարձավ Ա1+ հեռուստաընկերության խնդրին և նշեց, որ այն միակ հեռուստաընկերությունն էր, որը եթերաժամանակը հավասարաչափ էր բաշխում:
«Այն ժամանակ չկար այս հնարավորությունը ուղիղ եթեր մտնելու, բայց այդ հեռուստաընկերությունն էր ապահովում, որ մեր դեմ բիրտ ուժ չէր կիրառվում»,- ասաց պատգամավորը։
Արամ Սարգսյանը նկատեց, որ Ա1+-ի փակումը հրահանգ էր, որ ընդդիմությանը եթեր տալ պետք չէր։
«Այն գումարները, որը հարկատուներիս գրպանից գնում է Հ1-ին, դրանցից պետք է մաս հանվի և տրամադրվի Ա1+-ին՝ որպես հասցված վնասի փոխհատուցում և առանց մրցույթի այս հեռուստաընկերությանը պետք է եթեր տրամադրվի։ Սա 4-րդ իշխանության կայացման ամենակարևոր հարցերից մեկն է, և Ա1+-ին պետության կողմից պետք է եթեր դուրս գալու հնարավորություն տրվի»,- ասաց Արամ Սարգսյանը։
Մանրամասները՝ տեսանյութում:
