24.05.2026 | 14:33
Ամենաուշը 2 տարուց մենք կունենանք Հայաստան-Եվրամիություն վիզաների ազատականացված վիճակ․ Նիկոլ Փաշինյան
Նախարարության օրակարգում առաջնային տեղում է սահմանամերձ այլ համայնքներում նույնպես քաղպաշտպանության հենակետերի հիմնումը. ԱԻ նախարար
12.06.2018 | 16:38
Հունիսի 12-ին ՀՀ արտակարգ իրավիճակների նախարար Հրաչյա Ռոստոմյանն ընդունեց Կարմիր խաչի միջազգային կոմիտեի պատվիրակության ղեկավար Կարոլին Լուեզին. տեղեկացնում է նախարարության լրատվական ծառայուոյունը:
Հանդիպման ընթացքում քննարկվեցին ՀՀ ԱԻՆ և Կարմիր խաչի միջազգային կոմիտեի միջև կնքված Համաձայնության հուշագրի շրջանակներում իրականացվող ծրագրերի շարունակականության ապահովումն ու երկու կառույցների միջև համագործակցության ընդլայնման և խորացման հարցերը:
Ողջունելով հյուրերին ԱԻ նախարար Հ. Ռոստոմյանը կարևորեց երկու կառույցների միջև համագործակցության ընդլայնումը քաղաքացիական պաշտպանության և արտակարգ իրավիճակների արձագանքման ոլորտներում:
Համատեղ իրականացվող ծրագրի շրջանակում Տավուշի մարզի սահմանամերձ համայնքներում կահավորվել են բնակիչների համար նախատեսված ապահով սենյակներ, Տավուշի մարզի սահմանամերձ 10 համայնքներում Կարմիր խաչի միջազգային կոմիտեն առաջին օգնության և միջազգային հումանիտար իրավունքի դասընթացներ է իրականացրել այնտեղ գործող ՀՀ ԱԻՆ քաղպաշտպանության հենակետերի անձնակազմի հետ. այս տարի ծրագրում ընդգրկված են նաև Չորաթան և Դովեղ համայնքները:
Շնորհակալություն հայտնելով պատվիրակության ղեկավար Կ. Լուեզին սերտ և արդյունավետ համագործակցության համար՝ ԱԻ նախարարը վերահաստատեց երկու կառույցների միջև նախկինում կնքված բոլոր պայմանավորվածությունները. «Նախարարության օրակարգում առաջնային տեղում է սահմանամերձ այլ համայնքներում նույնպես քաղպաշտպանության հենակետերի հիմնումը, մեզ համար կենսականորեն կարևոր նշանակություն ունի հումանիտար արձագանքման և քաղաքացիական պաշտպանության համակարգերի անխափան աշխատանքի կազմակերպումն ու ապահովումը»,- ընդգծեց ԱԻ նախարարը:
Հանդիպման ավարտին կողմերը ևս մեկ անգամ վերահաստատեցին համագործակցության ընդլայնման պատրաստակամությունը՝ նաև համատեղ աշխատանքում կամավորական ջոկատների ներգրավման հնարավորությունը:
