02.03.2026 | 23:11
Դիվանագիտությունը փոթորկվող ծովերում թույլ է տվել անվտանգ նավարկել և մեր պետականության նավը խաղաղ ջրեր բերել. Միրզոյան
Հանրապետականը «նոկաուտ» դեռ չի ստացել, հարկավոր է գործը հասցնել մինչև «նոկաուտի». Արամ Մանուկյան. ՏԵՍԱՆՅՈՒԹ
Քաղաքականություն
11.06.2018 | 20:00
Հայաստանում տեղի ունեցած հեղափոխության հաղթանակն արձանագրելու ամենակարևոր քայլը խորհրդարանը ցրելն է: Այս մասին այսօր Factor.am-ի հետ զրույցում ասաց ՀԱԿ փոխնախագահ Արամ Մանուկյանը:
«Մինչև Հայաստանում խորհրդարանական ընտրություններ տեղի չունենան, վտանգ կա: Դանդաղ գործող ռումբի նման խորհրդարանում էդ խումբը նստած է և ամենևին պետք չէ հավատալ նրանց, նրանց խոսքերին, որ իրենք աջակցում են էսօրվա կառավարությանը»,- ասաց Արամ Մանուկյանը:
ՀԱԿ փոխնախագահը համոզված է՝ առանց արտահերթ խորհրդարանական ընտրությունների անցկացման որևէ համակարգային փոփոխություն հնարավոր չէ իրականացնել:
«Ես, օրինակ, չեմ պատկերացնում «Մարտի 1»-ի լիարժեք բացահայտում առանց խորհրդարանական ընտրությունների: Դրանք առաջին հայացքից գուցե չեն կապվում իրար հետ, բայց մեծ խնդիրներ լուծելու համար պետք է արդար ընտրություններ անցկացնել»,- ընդգծեց Արամ Մանուկյանը:
Ըստ նրա՝ ընդհանուր գործընթացը պետք է գնա այն նույն տրամաբանությամբ, ինչ տրամաբանությամբ տեղի ունեցավ հեղափոխությունը: Պարոն Մանուկյանը մտահոգված է՝ հապաղելու դեպքում կարող է կորցնել ժողովրդի աջակցությունը:
Հարցազրույցն ամբողջությամբ՝ տեսանյութում:
Շողիկ Գալստյան
