17.12.2025 | 12:25
ՔՊ վարչության մեծ մասը դեմ է քվեարկել իմ թեկնածությանը. Հայկ Սարգսյան․ ՏԵՍԱՆՅՈՒԹ
«Օգնեն, որ արցախցի երեխաները լիարժեք սնունդ ունենան»․ բազմազավակ ընտանիքի ահազանգը․ ՏԵՍԱՆՅՈՒԹ
Քաղաքականություն
22.12.2022 | 14:15
Խաչատրյանների բազմազավակ ընտանիքն արդեն 10-րդ օրն է՝ փորձում է հարմարվել արտաքին աշխարհի հետ կապող միջանցքի փակման հետևանքով ստեղծված իրավիճակին: Տարբեր տարիքի երեխաների նախասիրություններն ու կարիքներն էլ տարբեր են: Դրանք բավարարելու հնարավորություններն օր օրի պակասում են:
«Կարտոֆիլի պակասը շատ ունենք, որ չկա բալիկների համար։ Որ խանութ գնում ենք, չկա։ Առաջին անհրաժեշտության սննդամթերքից՝ շաքարավազ, ալյուր և մի քանի այլ բաներ, որ չկան: Կխնդրեի, որ ԿԽՄԿ-ի միջոցով օգնեն, ու արցախցի երեխաները ունենան լիարժեք սնունդ»,- ասում է ընտանիքի մայրը՝ Ռուզաննա Խաչատրյանը։
Որ շրջափակման մեջ հայտնված Արցախը հումանիտար ճգնաժամի մեջ է, շատերն են ասում են, այս ընտանիքում դա զգում է յուրաքանչյուրը: Խաչատրյանների ընտանիքում երեխաներից 2-ը մանկական ուղեղային կաթված ունեն:
Ընտանիքի հայրն այս պահին մտահոգված է ամենակենսական հարցերով: Եղանակային անբարենպաստ պայմաններում, երբ գազամատակարարումը խափանումներով է, փայտի վառարանն է օգնության հասնում:
Հակառակ ստեղծված դժվարություններին՝ հավատում են, որ Ամանորին հրաշքներ լինում են: Տոնածառը զարդարել ու սպասում են Ձմեռ պապի այցին․ գիտեն՝ քանի դեռ ճանապարհը փակ է, նա էլ չի կարող գալ:
Հերթական անցնող օրվա հետ Արցախը Հայաստանին կապող միջանցքը շարունակում է փակ մնալ, հրաշքներին հավատացող երեխաների երազանքները՝ անկատար:
Մանրամասները՝ տեսանյութում։
Անի Ավանեսյան
