25.11.2024 | 20:14
Թուրքիայում 2 ռուս օդաչուներ 5 տարվա ազատազրկման են դատապարտվել
Լին Թրեյսին Սենատի կողմից հաստատվել է Ռուսաստանում ԱՄՆ դեսպանի պաշտոնում
Քաղաքականություն
22.12.2022 | 13:33
ԱՄՆ Սենատն աջակցել է Ռուսաստանում դեսպանի թեկնածուի պաշտոնում Լին Թրեյսիի նշանակմանը․ կողմ է քվեարկել 93 սենատոր, դեմ՝ 2-ը։
Թրեյսին բավական համարձակություն ունի, որպեսզի իրականացնի իր պարտականությունները թշնամական կառավարության հետ և ներկայացնի Ամերիկան Կրեմլում, ասել է Սենատի արտաքին հարաբերությունների հանձնաժողովի նախագահ Բոբ Մենենդեսը, փոխանցում է DW-ի ռուսական ծառայությունը:
Թրեյսին, որն այժմ զբաղեցնում է Հայաստանում դեսպանի պաշտոնը, կդառնա առաջին ամերիկացի կին դիվանագետը, որը նման պաշտոն է զբաղեցնում ՌԴ-ում։ Նա արդեն աշխատել է Մոսկվայում, նախ՝ 1980-ականների վերջին, այնուհետև 2014-2017 թվականներին՝ որպես դեսպան Ջոն Թեֆթի տեղակալ։
Նոր պաշտոնում նա փոխարինում է Ջոն Սալիվանին, որը հեռացել է այս պաշտոնից սեպտեմբեր 4-ին։ Դրանից հետո դեսպանատունը գլխավորում է գործերի ժամանակավոր հավատարմատար Էլիզաբեթ Ռուդը։
Տաթև Ֆռանգյան
