07.10.2026 | 23:00
Երթևեկության կազմակերպման փոփոխություն՝ Հակոբ Պարոնյան փողոցում
Արցախի երիտասարդների բազմալեզու կոչը՝ աշխարհին․ՏԵՍԱՆՅՈՒԹ
20.12.2022 | 17:43
Արցախի երիտասարդները բազմալեզու կոչ են հղել աշխարհին։ Նրանք տեսաուղերձ են հրապարակել հայերենով, ռուսերենով, անգլերենով և ֆրանսերենով՝ հորդորելով աշխարհին անտարբեր չմնալ։
Նանեն մեկն է այն 120 000 հազար արցախցիներից, որ գտնվում է շրջափակման մեջ։ «Ես ուսանող եմ, որ զրկված է ուսման իրավունքից, և չկա ոչ մի երաշխիք, որ դա չի կրկնվի։ Ես նախատեսել էի մեկնել Հայաստան՝ քննություն հանձնելու, բայց Ադրբեջանը փակել է Արցախը արտաքին աշխարհին կապող միակ ճանապարհը։ Ես ունեմ շատ ընկերներ, որոնք հիմա նույն նպատակով Հայաստանում են և չեն կարողանում տուն վերադառնալ։ Ունեմ շատ ընկերներ, որոնք ստիպված են մենակ ապրել, իրենց ծնողների Հայաստանում լինելու պատճառով։ Կան շատ մարդիկ, որոնք կարիք ունեն ՀՀ-ում անհապաղ բուժօգնություն ստանալու։ Մեզնից յուրաքանչյուրը ջանք է գործադրում այս խնդրի լուծման համար, բայց մենք միայնակ ոչինչ անել չենք կարող։ Բացի՛ր աչքերդ, աշխարհ։ Մենք ունենք քո կարիքը։ Մի՛ թող մեզ մենակ»,- կոչ է անում Նանեն։
Ստեփանակերտի բնակիչ Մարիաննան էլ ասում է․«Հազարավոր երեխաներ զրկված են իրենց ծնողներին տեսնելու իրավունքից՝ այդ թվում և ես։ Ճանապարհը, որը կապում է Մայր Հայաստանը Արցախի հետ, փակ է։ Խանութների դարակները դատարկվում են։ Կյանքը կանգնում է։ Կոչ եմ անում բոլորին չլինել սառնասիրտ Արցախի խնդրի նկատմամբ, որովհետև վաղը այդ խնդիրը կթակի ձեր դուռը և Արցախը չի լինի ձեր փրկությունը»։
Մանրամասները՝ տեսանյութում։
