Քաղաքականություն
19.12.2022 | 15:15
Ադրբեջանի պաշտպանության նախարար Զաքիր Հասանովն այցով մեկնելու է Թուրքիա, հայտնում են ադրբեջանական լրատվամիջոցները։
Նշվում է, որ այցը նախանշված է դեկտեմբերի 21-ին։
Ըստ տեղեկատվության՝ թուրքական Կայսերի քաղաքում տեղի է ունենալու Թուրքիայի, Ադրբեջանի և Վրաստանի ՊՆ ղեկավարների թվով 9-րդ եռակողմ հանդիպումը։
Հիշեցնենք, որ դեկտեմբերի 5-ին էլ Թուրքիայի ՊՆ ղեկավար Հուլուսի Աքարն էր ռազմական մեծ պատվիրակությամբ, այդ թվում՝ ԳՇ պետ Յաշար Գյուլերի մասնակցությամբ պաշտոնական այցով ժամանել Բաքու։ Այցի առիթն Ադրբեջանում անցկացվող թուրք-ադրբեջանական համատեղ զորավարժություններն էին։
Էմմա Չոբանյան
