26.07.2026 | 23:49
ՃՏՊ՝ հրդեհի բռնկմամբ․ կան զոհեր և տուժածներ
Ադրբեջանի խորհրդարանականներն աջակցում է Լաչինի միջանցքի արգելափակմանը
Քաղաքականություն
16.12.2022 | 16:25
Ադրբեջանի Միլի Մեջլիսի պատգամավորները խորհրդարանի այսօրվա նիստում լիակատար աջակցություն է հայտնել Լաչինի միջանցքի փակմանը, որի հետևանքով Արցախում հումանիտար ճգնաժամ է։ Փաստացի, ադրբեջանցի պատգամավորները հաստատում են, որ Լաչինի միջանցքը փակվել է Բաքվի իշխանությունների կողմից։ Մասնավորապես, ադրեջանական քարոզչամեքենաները հայտնում են, որ պատգամավոր Սիյավուշ Նովրուզովը հայտարարել է, որ լիովին աջաջկցում են ակցիային։
«Մենք նրանց հետ ենք, մենք նրանց աջակցում ենք, նրանք ճիշտ ճանապարհին են։ Եվ նրանց աջակցեկու ենք մինչև վերջ»,-ասել է նա։ Մեկ այլ պատգամավոր Ռազի Նուրուլլաևն էլ նշել է, որ պետք էր միջանցքը վաղուց փակել։ «Կարծում եմ, որ պետք ընդլայնել այդ ակցիան ու ավելացնել պահանջները»,-ասել է նա։ Պատգամավոր Ռաշադ Մահմուդովն էլ առաջարկել է գնալ ու միանալ Լաչինի միջանցքի փակմանը։
«Կարծում եմ, որ պատգամավորները պետք է լինեն ակցիայի մասնակիցների կողքին։ Դա նաև կարևոր քայլ կլիներ աշխարհին մեսիջ ուղարկելու հարցում»,-ասել է նա։ Ադրբեջանցի տարբեր պատգամավորներ նաև առաջարկել են Արցախից հեռացնել ռուս խաղաղապահ զորախմբին, ինչպես նաև Լաչինի միջանցքում տեղադրել Ադրբեջանի սահմանապահ ու մաքսային անցակետեր։
Էմմա Չոբանյան
