13.09.2026 | 18:54
Շոտլանդիան, Ուելսը և Հյուսիսային Իռլանդիան Մեծ Բրիտանիայի կազմից դուրս գալու հանրաքվե կպահանջեն․ The Telegraph
Օրինակելի գործընկերությամբ կնպաստենք Հարավային Կովկասի ավելի կայուն ձևավորմանը. Ղարիբաշվիլին՝ Ադրբեջանի վարչապետին
Քաղաքականություն
15.12.2022 | 21:13
Վրաստանի վարչապետ Իրակլի Ղարիբաշվիլին Վրաստան-Ադրբեջան միջկառավարական տնտեսական հանձնաժողովի նիստում հայտարարել է, որ Վրաստանի և Ադրբեջանի օրինակելի գործընկերությամբ կնպաստեն Հարավային Կովկասի ավելի կայուն ձևավորմանը: Այս մասին գրում է Aliq Media-ն։
Ըստ Ղարիբաշվիլիի՝ երկու երկրների միջև կան շատ սերտ տնտեսական համագործակցություն, ռազմավարական գործընկերություն և ամենակարևորը` բարեկամություն։
«…Մեր հարաբերություններն իսկապես եզակի են և փորձված վերջին տարիներին: Գոհունակությամբ ուզում եմ նշել, որ վերջին շրջանում ակտիվացել են համատեղ հանձնաժողովի նիստերը։ Այս տարի մենք նշում ենք դիվանագիտական հարաբերությունների հաստատման 30-ամյակը։ Մեր ժողովուրդների և երկրների միջև կան լիակատար փոխըմբռնում և բարեկամություն, որոնք էլ ավելի են խորանում»,- ասել է Ղարիբաշվիլին։
