30.10.2026 | 18:35
Ըմբիշ Վազգեն Թևանյանը` աշխարհի փոխչեմպիոն
ԱՄՆ պետքարտուղարի տեղակալն ու Բայրամովը քննարկել են Հայաստանի և Ադրբեջանի միջև խաղաղության գործընթացը
Քաղաքականություն
08.12.2022 | 20:41
Ադրբեջանի ԱԳ նախարար Ջեյհուն Բայրամովը հեռախոսազրույց է ունեցել ԱՄՆ պետքարտուղարի Եվրոպայի ու Եվրասիայի հարցերով տեղակալ Քերըն Դոնֆրիդի հետ։ Ադրբեջանական կողմի փոխանցմամբ՝ զրույցի ընթացքում մտքեր են փոխանակվել Ադրբեջանի և Հայաստանի միջև խաղաղության գործընթացի ներկա վիճակի և հեռանկարների, ինչպես նաև Ադրբեջանի ուև ԱՄՆ-ի միջև համագործակցության օրակարգի տարբեր հարցերի շուրջ։
Բայրամովը խոսել է խաղաղության համաձայնագրի շուրջ բանակցությունների ներկա վիճակի, հաղորդակցությունների բացման ուղղությամբ աշխատանքի և դելիմիտացիայի հարցում ջանքերի մասին։
Ադրբեջանը, որը վերջին օրերին պարբերաբար սադրանքներ է կազմակերպում ու ցանկանում փակել Լաչինի միջանցքը, բողոքել է ամերիկյան կողմին, իբր, «հայկական կողմի՝ Լաչինի միջանցքով իրականացված անօրինական գործողություններից»։
Դոնֆրիդն իր հերթին ընդգծել է, որ ԱՄՆ-ն աջակցում է տարածաշրջանում կայունության ապահովմանն ուղղված ջանքերին։ Նա ասել է, որ կարևոր է առաջ տանել խաղաղ գործընթացը՝ առաջնորդների և նախարարների միջև ձեռք բերված պայմանավորվածություններին համապատասխան:
Էմմա Չոբանյան
