30.10.2026 | 12:02
Թրամփը զանգահարել է Էրդողանին Անկարայում Թյուրքական պետությունների առաջնորդների ընթրիքի ժամանակ
1,2 մլրդ դրամ` սուբվենցիոն ծրագրերին. Փաշինյանը թվարկում է կատարված աշխատանքները․ ՏԵՍԱՆՅՈՒԹ
Տնտեսություն
08.12.2022 | 11:40
Կառավարությունը փոփոխություն կատարեց 2022 թվականի պետական բյուջեի մասին օրենքում և 1 մլրդ 272 մլն դրամ հատկացրեց Արագածոտնի, Արարատի, Արմավիրի, Գեղարքունիքի, Կոտայքի, Շիրակի, Սյունիքի և Վայոց ձորի մարզպետարաններին՝ շինարարական կազմակերպությունների նկատմամբ ֆինանսական պարտավորությունները կատարելու համար:
ՏԿԵ նախարար Գնել Սանոսյանը ներկայացնելով նախագիծը, նշեց, որ այս որոշումն առնչվում է 8 մարզի 16 բնակավայրի՝ 25 սուբվենցիոն ծրարգրերի համաֆինանսավորման համար:
Արագածոտնի մարզում նախատեսված է 2 ծրագիր և 72 միլիոն դրամ, Արարատի մարզում՝ 1 ծրագիր և 126 միլիոն դրամ, Արմավիրի մարզում՝ 4 ծրագիր և 66 միլիոն դրամ, Գեղարքունիքի մարզում՝ 3 ծրագիր և 95 միլիոն դրամ, Կոտայքի մարզում՝ 10 ծրագիր և 737 միլիոն դրամ, Շիրակի մարզում՝ 1 ծրագիր և 32 միլիոն դրամ, Սյունիքում՝ 1 ծրագիր և 38 միլիոն դրամ, Վայոց ձորում՝ 3 ծրագիր և 103 միլիոն դրամ:
Այսպիսով՝ ֆինանսավորվում են տարբեր համայնքներում շենքերի էներգաարդյունավետ արդիականացման աշխատանքները, պուրակների, խաղահրապարակների կառուցումը և վերականգնումը, ասֆալտապատումը, գազատարի կառուցումը և այլն:
Սանոսյանը հայտնեց, որ կառավարության մասնաբաժինը համայնքների կողմից իրականացվող սուբվենցիոն ծրագրերում կլինի 14.5 մլրդ դրամ, իսկ համայնքներինը՝ մոտ 13 մլդ դրամ։
Նիկոլ Փաշինյանը թվարկեց ավարտված բոլոր ծրագրերը՝ իրենց աշխարհագրական տեղաբաշխմամբ:
Մանրամասները՝ տեսանյութում։
